Page 9 - Min.jus 10 April'15
P. 9
32 AWEMainta Diabierna, 10 April 2015
Tanten cu no cuminsa cu man fuerte
TIRAMENTO LO SIGUI
PA INTIMIDA TE ORA
OTRO VICTIMA CAY
FOR di dia cu Lalo Webb a ser tira
mata na Hooiberg, tur hende tabata
sa cu lo tin bashamento di bala, sea
pa intimidacion of menasa, te ora cu
otro victima cay. Diarazon anochi
laat a sosode un caso di tiramento
atrobe na Madiki. Un dia anterior,
tabatin tiramento tambe den Village
na San Nicolas, maske por ta cu e dos
casonan aki no tin relacion cu otro.
Den ningun di e dos casonan aki,
hende a keda herida, pero si un auto
a keda perfora cu varios tiro.
Di acuerdo cu informacion di Po-
lis e informacion a drenta cu den
Driemasterstraat tin un caso di los-
mento di bala.
Polis a bin topa cu un auto para mey-
mey caminda dilanti di United Din-
ner. Den e auto lo tabatin dos hende
aden. Ningun a keda herida, pero a
wordo menciona cu esnan den auto
ta famia di e acusado Baba Ras cu a
caba di haya 18 aña pa asesinato na
Tanki Leendert.
For di algun siman caba tin diferente
tiramento. Manera menciona ante-
riormente, despues cu Lalo Webb a
wordo asesina, a menciona nomber
di Baba Ras di lo tin algo di haber cu
e morto. Desde e asesinato a mira
tambe cu famia of pareha di Lalo
tabata teme pa nan bida mirando
tur ta sospecho. E caso aki ta con-
firma cu ainda no lo conoce su fin.
Y tanten cu no tin detencion di e.o.
asesinato di Lalo Webb, maske ta ser
bisa cu e autor di su crimen a baha
na awa caba, e forma di tiramento
aki lo sigui tuma lugar, te ora otro
morto cay.
