Page 63 - flip

E siman aki Aruba lo defende derecho di
mucha na Suiza

Local
26 May, 2015

Cada tanto aña tin un conferencia pa defende derecho di mucha pa cual for di Aruba minister di
hubentud Paul Croes a sali a Suiza pa asina bay participa na e conferencia aki.
Croes a splica cu nan a sali pa Ginebra, caminda cu entrante awe lo ta defendiendo e situacion di
muchanan na Aruba dilanti di Nacionnan Uni, pa loke ta trata e tratado di derechonan di Mucha.
Aruba ta parti di e tratado aki ya for di varios aña caba y cada tanto tempo ta traha un rapport
riba derechonan di mucha na Aruba. Na e momentonan aki, hunto cu un delegacion di Reino,
consistiendo di Hulanda, St. Maarten, Corsou y Aruba, lo ta dunando contesta na diferente
pregunta cu ta bin riba e situacion di derechonan di mucha na Aruba.
Ta haciendo esfuerzo grandi pa promove participacion, educacion, proteccion y salud di nos
hoben y muchanan. E comision aki specifico ta haci preguntanan tecnico y huridico, pa mira si ta
cumpli cu e leynan, cu ta cumpliendo cu e tratado y ta duna recomendacion unda cu nan ta mira
cu por tin mehoracion.
No tin un sociedad perfecto pa loke ta situacion di mucha na Aruba. Cada abuso, cada
negligencia, cada maltrato ta uno dimas. Loke tin cu purba haci como comunidad, no solamente
como gobierno, ta trata na evita.
Tin programanan di prevencion, di educacion, di participacion y formacion di nos muchanan,
laganan conoce nan derechonan y laga nos comunidad sa riba implicacionnan ora tuma lugar un