Page 14 - ATA JAN 28,2015
P. 14
PAGINA 38 DIARIO DIARANZON 28 JANUARI 2015
Champions ta introduci su estilo
y ambiente nobo na prensa local
ORANJESTAD (AAN):
Recientemente e team di Aruba
Marriott a invita prensa local pa
experiencia Champions Sports
Bar & Restaurant su estilo
y ambiente completamente
nobo.
Na yegada e miembronan di
prensa a disfruta di un peach
mojito como welcome drink y e
exquisito Champions Sampler
cu sliders, onion rings, chicken
wings y loaded fries como
appetizer. Pa entrée por a kies
for di e menu y tambe tabata
tin entretenimento musical di
Angela y Ernesto.
E restaurant su diseño nobo
conhuntamente cu 33 high
definition flat screens, un bar
trendy den forma di un L y un
menu actualisa sigur ta trece un
ambiente moderno y distinto
na e espacio. Adicionalmente,
e logo di Champions tambe a
wordo cambia pa asina pas cu
e estilo y ambiente nobo di e
restaurant.
Champions ta ofrece 20%
di descuento riba cuminda y
bebida no alcoholico pa tur
local como tambe un Executive
Happy Hour tur diabierna di
6:00 PM pa 8:00 PM cu $5
premium bar y entretenimento
en bibo. Pa esnan buscando un
localidad ideal pa nan ocasion
special, Champions ta ofrece
un area priva perfecto pa
cualkier evento manera fiesta
di cumpleaños di mucha. Keda
pendiente pa Champions su
Express Lunch cual lo wordo
introduci na maart y lo ofrece
un menu fiho na un prijs
special.
Champions Sports Bar &
Restaurant ta localisa na
Marriott Aruba Ocean Club
y ta acepta tur tipo di credit y
debit card.
