Page 142 - MIN VOS

Richardson: No por garantiza seguridad

si entrega lista na Censo

Posted on 07/31/2017 10:27 pm AST | Updated on 07/31/2017 10:59 pm AST

ORANJESTAD – Si e sitio di entrega lista diabierna awor, keda Censo, Alto
Comisario di polis Dolfi Richardson no por garantisa seguridad pa esnan presente.
Asina e hefe maximo di polis a confesa na NoticiaCla dialuna anochi. Un carta cu el
a vocifera su preocupacion, e no a haya un contesta ariba ainda. Ademas tin e punto
di salida di algun partido pa loke ta e horario di entrega di lista. “E lugar di entrega
lista tin cu wordo cambia” Richardson a bisa, parando keto bay riba su punto,
faltando 4 dia pa e dia di entrega di lista tuma lugar.

CAMBIO

Segun Richardson, nunca polis no a bay di acuerdo pa Censo bira e lugar pa entrega lista.
Pero despues cu e grupo di polis encarga, no a logra convence CSE pa cambia e lugar, a
dicidi cu tin cu bay haci lo posibel pa garantiza seguridad pa e evento y esnan eynan.
Pero a despues cu a sinta hunto despues y analisa punto pa punto, a bin na e decision cu
no ta responsible pa e sitio keda CSE. Y for di e momento ey a cuminsa haci intento pa
cambia e sitio, pero te ainda esey no a logra. Richardson ta para riba cu e final
responsabel pa loke pasa, ta e y como tal e no ta haye algo responsabel.