Page 2 - MIN VOS
P. 2
DVG: TA IMPORTANTE PA CONOCE E VIRUS
DIABIERNA TABATA DIA INTERNACIONAL DI
HEPATITIS A
July 31, 2017 Admin Uncategorized Leave a comment
ORANJESTAD – Aruba: Diabierna 28 di Juli mundialmente ta dia internacional di
Hepatitis A. Hepatitis ta un enfermedad contagioso y pa e motibo aki Directie
Volksgezondheid kier conscientisa tur hende riba e enfermedad aki. Hepatitis A ta un
infeccion cu ta bin door di un virus cu ta ataca un persona su higra. E malesa aki por
dura un te cu dos siman. DVG ta sigui informa cu muchanan por pasa e enfermedad aki
sin sintomanan fuerte compara cu un adulto cu si por bira hopi malo.
E enfermedad Hepatitis A por pega via feco-oral, kiermen ora cu un persona bay afo y e
no ta laba su man bon. Esaki tin como consecuencia cu e sushi ta keda pega na e man
y e persona ta bay prepara algo pa come of bebe pa un otro persona. Of un persona ta
duna otro persona un man y esaki ta pasa su man na su boca.
