Page 54 - FLIP KPA
P. 54
Durante di e fin di siman, Cuerpo Policial Aruba a sali den gran forma riba caminda, ocupa cu diferente
actividad y eventonan di Carnaval. A tene accion di listramento (preventief fouilleren) y a aplica e
maneho di “Faya bo Haya” manera ta custumber durante di temporada di Carnaval.
E boetnan, manera anuncia anteriormente pa Ministerio Publico y Cuerpo Policial, ta di sumanan
considerabel, pero asina mes cada bes ta topa cu ciudadanonan cu no ta tene nan mes na leynan y
reglanan.
Pa loke ta trata Carnaval di Mucha na Playa diadomingo pasa, esaki a sali pa exactamente 2or di merdia y
e lastlap a yega Aruba Entertainment Center pa 6’or di atardi. Tabatin 140 Polis riba pia, incluyendo
Polisnan uniforma di Oranjestad, Polisnan studiante na Scol pa Polis, Mobiele Eenheid, Polisnan riba
brommer, Departamento di Trafico y miembronan di e team di Recherche. E cantidad di 140 empleado ta
inclui tambe e team di administracion y miembronan di Cuerpo Especial Arubano (CEA).
Polisnan a listra 35 persona basa riba e ley di preventief fouilleren y a detene 7 sospechoso, cu a haya
boet pa diferente infraccion, manera posesion di droga (cocaina), posesion di arma blanco (sker, bat di
baseball y cuchiu), y pa no sigui ordo di Polis. E sospechosonan aki a haya boet na balor total di 2700
florin.
Durante di e Parada di Mucha cu a tuma luga na Noord diasabra tambe Polis tabata activo. Mas of menos
40 polis a traha prome, durante y despues di e parada riba e ruta y a detene 7 sospechoso a base di
posesion di droga, intoxicacion cu alcohol y pa no sigui ordo di Polis. E parada aki tambe a bay segun
agenda, a cuminsa pa 12:25 di merdia y e ultimo grupo a yega final di e ruta pa 4’or di atardi.
Diasabra anochi na Festival di Caiso y Soca, Polis a haya nan mes cu basta trabao. Basa riba tanto e
accion di Faya bo Haya como e parti di listramento preventivo, a listra un total di 87 persona y 20 auto y
Polis a detene 15 persona, cual a traduci den 4250 florin na boet pa diferente infraccion.
Cuerpo Policial ta corda comunidad cu Faya bo Haya ta keda na vigor te na e ultimo actividad di
Carnaval, esta Kimamento di Momo. Tambe e accionnan di preventief fouilleren ta sigui, den
cooperacion cu Ministerio Publico y Ministerio di Husticia y manera prescribi pa ley e accionnan aki lo
wordo anuncia den medionan di comunicacion.
Cuerpo Policial ta apela na tur ciudadano pa no core auto bao di influencia di alcohol y no laga nan
sernan keri core auto si nan sa of ripara cu nan ta bao di influencia di bebidanan alcoholico. Polis ta pidi
atencion special pa nos muchanan; supervisa nan bon, corda protege nan bon contra efectonan di solo –
uza sunblock y un pechi, no lubida riba nan oido – uza earplug y percura pa nan tin suficiente pa bebe.
actividad y eventonan di Carnaval. A tene accion di listramento (preventief fouilleren) y a aplica e
maneho di “Faya bo Haya” manera ta custumber durante di temporada di Carnaval.
E boetnan, manera anuncia anteriormente pa Ministerio Publico y Cuerpo Policial, ta di sumanan
considerabel, pero asina mes cada bes ta topa cu ciudadanonan cu no ta tene nan mes na leynan y
reglanan.
Pa loke ta trata Carnaval di Mucha na Playa diadomingo pasa, esaki a sali pa exactamente 2or di merdia y
e lastlap a yega Aruba Entertainment Center pa 6’or di atardi. Tabatin 140 Polis riba pia, incluyendo
Polisnan uniforma di Oranjestad, Polisnan studiante na Scol pa Polis, Mobiele Eenheid, Polisnan riba
brommer, Departamento di Trafico y miembronan di e team di Recherche. E cantidad di 140 empleado ta
inclui tambe e team di administracion y miembronan di Cuerpo Especial Arubano (CEA).
Polisnan a listra 35 persona basa riba e ley di preventief fouilleren y a detene 7 sospechoso, cu a haya
boet pa diferente infraccion, manera posesion di droga (cocaina), posesion di arma blanco (sker, bat di
baseball y cuchiu), y pa no sigui ordo di Polis. E sospechosonan aki a haya boet na balor total di 2700
florin.
Durante di e Parada di Mucha cu a tuma luga na Noord diasabra tambe Polis tabata activo. Mas of menos
40 polis a traha prome, durante y despues di e parada riba e ruta y a detene 7 sospechoso a base di
posesion di droga, intoxicacion cu alcohol y pa no sigui ordo di Polis. E parada aki tambe a bay segun
agenda, a cuminsa pa 12:25 di merdia y e ultimo grupo a yega final di e ruta pa 4’or di atardi.
Diasabra anochi na Festival di Caiso y Soca, Polis a haya nan mes cu basta trabao. Basa riba tanto e
accion di Faya bo Haya como e parti di listramento preventivo, a listra un total di 87 persona y 20 auto y
Polis a detene 15 persona, cual a traduci den 4250 florin na boet pa diferente infraccion.
Cuerpo Policial ta corda comunidad cu Faya bo Haya ta keda na vigor te na e ultimo actividad di
Carnaval, esta Kimamento di Momo. Tambe e accionnan di preventief fouilleren ta sigui, den
cooperacion cu Ministerio Publico y Ministerio di Husticia y manera prescribi pa ley e accionnan aki lo
wordo anuncia den medionan di comunicacion.
Cuerpo Policial ta apela na tur ciudadano pa no core auto bao di influencia di alcohol y no laga nan
sernan keri core auto si nan sa of ripara cu nan ta bao di influencia di bebidanan alcoholico. Polis ta pidi
atencion special pa nos muchanan; supervisa nan bon, corda protege nan bon contra efectonan di solo –
uza sunblock y un pechi, no lubida riba nan oido – uza earplug y percura pa nan tin suficiente pa bebe.
