Page 15 - MIN ECEM 26 JUNE 2017

Segun Luis Oduber director:

ORANJESTAD (AAN): Nan ta mira WEB den un fase transitorio segun e director Luis
Oduber. Nan lo sigui desaroya. Nan kier pa nan empleadonan sigui desaroya den nan

funcion. Luis Oduber di WEB a splica cu nan ta trahando pa baha e uso y eficiencia. Nan
kier evita mal uso. Nos ta usando e sistema den tur proyecto unda ta evalua cada
proyecto. Ta trahando riba e almacenahe y ora esaki ta den funcion lo mira e frutonan
cu e proyecto lo saca.

Den e ultimo 10 pa 12 aña, tabata tin hopi cambio den tecnologia. Por a mira WEB aki 5
pa 10 aña sigui desaroya tecnologicamente, pero tambe prepara nan empleadonan, e
coleganan, pa nan por diversifica un tiki den nan funcion, manera ya menciona.

Posibilidad ta cu e WEB ta yega te na e meter di cliente y pa bay despues di e meter
tambe, pa duna servicio na e consumidor. WEB tin hopi potencial, hopi colega tin
capacidad halto cu por duna ma servicio fuera di loke nan ta haciendo awor aki caba.

Oduber no kier bisa unda nan lo yega. Pa e siguiente añanan e tareanan ta pa elimina e
uzo di fossil fuel y sigui en todo caso expande energianan renobabel, caminda cu ta
yuda nos medio ambiente tambe. Aunke Aruba ta chikito, WEB ta duna un bon ehepel
na prome luga, e isla y tambe mundo henter.Oduber no ta un persona cu ta priminti

algo cu e no por cumpli. No por bisa awor aki kico lo bay sosode. Pero si e por garantisa
pueblo cu nan ta haciendo maximo esfuerso pa mehora e eficiencia, danki na e grupo di
mantencion y operacion. Tambe tin cu minimalisa mal uzo. Na momento cu tin lekkage
ta purba di coregi nan mesora y tambe sigui busca alternativa. Ta uzando locual cu ta

yama RAS (Reliable Affordable & Sustainable) den tur nan proyecto.Ta controla si e tin
un prijs, sea mantene e tarifa existente of reduci e tarifa. No ta bay inverti den
proyectonan caminda cu mester bay pasa e aumento di tarifa na comunidad. Esey ta e
unico cos cu Oduber ta priminti cu ta trahando riba dje. Cu tempo, awor aki ta

instalando e almacenahe cu ta e siguiente paso den energia renobabel. Unabes cu esey
ta den funcion, cu pa fin di e aña aki, comienso di otro aña, tin tanto bateria como
flywheelnan funcionando.Tambe e sistema di automatisacion ta wordo upgraded. Na e
momento ey ta wak e frutonan cu esakinan ta bay saca. Despues di esey ta determina

si tin eventual rebaho of no.