Page 61 - MIN ECEM 26 JUNE 2017

DOW lo bay inventarisa cuanto daño a wordo causa na Baby
Beach

Sunday, 25 June 2017 17:06
Comparti

A tuma nota cu tin un situacion poco fastioso den un area turistico. Hasta turistanan tin cu para auto un
distancia pa por bay Baby Beach. Lone Palm Stadium ta yena cu awa te na e cancha di tennis.
Marlon Croes di DOW, a splica cu DOW tin su scoutnan ta bishita e beachnan practicamente tur dia, di
Baby Beach bay Santana di Cacho, unda cu nan ta controla pa tarballs, oilspill cu por subi tera pa tene
limpi y a bin descubri cu Lone Palm Stadium na Sero Colorado, cerca di Baby Beach ta bao di awa. Esey
ta nifica tambe cu lama bruto, olanan grandi, a subi y a yena e parti aki cu ta un punta hopi abao. E ta
pertenece na un pida wetland. Bisando esey, a inventarisa y warda naturalesa caba di pasa, e mal tempo y
ora cu e awa sak, ta wak si tin cu pomp si of no. Ta bay inventarisa cuanto santo tin cu hiba bek pa por
drecha beach pa e por ta operacional manera cu ta conoci.
E sa presenta
Segun Croes, esaki ta presenta ora cu tin mal tempo cu olanan grandi ta bin di zuidoost y por corda na
2004, cu Ivan a pasa, tambe e tabata full bao di awa. E ta un fenomeno cada tanto aña cu lama ta subi
eynan y e ta bay keda subi den futuro. No por bay stop’e. Ta un punta abao y cu lama, ora cu tempo
cambia y bira malo, cu ola bira grandi e ta subi’e.
Beach
Ta bay haci un inventarisacion, y a mira cu trabao tin cu wordo haci. Esey ta nifica cu ora cu wak e tempo
mala pasa completo y lama su coriente caba di settle down manera normalisa, lo bay haci un
inventarisacion unda e beach a sufri daño. A base di esey por bisa cuanto santo por transporta pa drech’e
pa e por ta operacional bek.
Oilspill
Awor aki segun Croes, ekiponan di DOW ta scout e area y te asina leu no a ricibi ningun indicacion cu tin
algo nobo. Pero ta monitori’e y tur loke tin ta loke a ricibi a base di e area, cu ta birando hopi menos tur
dia. No a mira nada straño sali afo cu e mal tempo, cu tabata tin un aumento di oilspill. Loke por wak ta
un reduccion keto bay.
Algun area cu azeta
Pariba di Santana Di Cacho, tempo cu e oilspill a tuma luga, tabata tin un parti grandi, of un parti di tres
pa tres meter, unda e baranca a sufri daño di contaminacion di oilspill. Esey ta un evaluacion cu tin di
bay haci. Den e proceso a laga oilspill response limited bula cu helicopter, wak henter nos costa unda por
a sufri daño. Na cinco punto so a sufri daño. Tres ta parti costa nort y dos ta na punta pazuid banda di
Santana di Cacho. E pregunta ta cu si ta bay haci’e limpi si of no. Conseho ta pa no haci’e limpi. Laga
naturalesa percura pe.
Pakico
Si bay purba di waterjet’e, kibr’e, bo ta disperse e contaminacion mas den e area. Of si bo bay uza kimico,
bo ta bay daña medio ambiente, mientras cu si lag’e eynan, laga naturalesa percura pe, cu su tempo, e ta
disparce. Un otro aspecto ta, cu bo ta bay expone bo coleganan na riesgonan grandi door cu e costa norte,
parti zuidoost, ta unda cu tin hopi energia, olanan grandi, cu ta trece cun’e cu e riesgo cu ta expone e
coleganan pa haci e trabao di limpiesa, ta mas grandi cu e riesgo cu bo tin cu bo lage riba e baranca.
Disparce cu tempo