Page 15 - BNDIA ARUBA

A15
HENDE Diabierna 13 OctOber 2017
ACP hunto cu Barceló: cultivando inteligencia emocional

ORANJESTAD -
Recientemente a
tuma luga e Aruba
Certification Program
(ACP), y a certifica mas
di 60 ehecutivo di hotel
Barceló. Den dos sesion e
programa di certificacion
di Aruba a enfoca riba
e importancia di duna
informacion corecto y
consistente di Aruba y
desaroyo di inteligencia
emocional na trabou.

E sesion pa ehecutivo ta
forma parti di e proyecto
piloto di ACP ‹Speed
Executive course›. Durante
e sesion a elabora riba e
tema di autenticidad y
tambe compartimento di e
storianan impactante cu ta
forma parti di e herencia di
Aruba. A splica cu e profiel
di bishitante ta cambia den
forma cu e lo kier sa kico
ta e esencia di nos isla y e
diferencia entre Aruba y otro
isla den region Caribense.

Tambe a duna informacion
relaciona cu e importancia
di inteligencia emocional,
esta ta consciente di tanto
bo emocionnan como
tambe esunnan di otro pa
asina maneha esakinan den
forma adecuado pa por yega
na metanan colectivo di un
organisacion of compania.
Esaki pa asina por yega na
un nivel di servicio excelente
como tambe e esencia di
hospitalidad. Importante
ta pa menciona cu parti
di e servicio excelente ta
autenticidad y pa es motibo
informacion corecto y
consistente di Aruba ta di
suma importancia.

Na e evento tambe tabata
presente General Manager
di Barceló, Samuel Jhonson,
como tambe General
Manager suplemente Lorena
Salas Molina. Ambos a
duna discurso sumamente
elocuente enfatisando
e filosofia di traha den
ekipo uni y provee servicio
excelente y ta hospitalario.