Page 7 - AAA FLIP 15 JULY 20017
P. 7
E menasa digital cu organisacionnan critico ta enfrentando awendia ta universal,
mundial y tin e potencial pa interumpi e bida diario den casi tur sector di e
economia. Negoshinan y ciudadanonan ta uzando internet y ta depende mas y
mas riba nan bon funcionamento di nan computer y tecnologia pa informacion y
comunicacion.
Mientras cu Aruba tin conexion y disponibilidad halto di internet, e seguridad,
integridad y continuidad mester wordo mantene p’e ciudadano, negoshinan y
Gobierno na tur momento.
Gobierno di Aruba a compromete su mes pa establece un structura di
cooperacion pa loke ta Cyber Security na Aruba. Na april 2017, Veiligheidienst
Aruba (VDA) a organisa e ‘Aruba Critical Infrastructure Seminar’ (ACIS) cu a
enfoca rib’e topico aki.
Como follow-up, riba 28 di juni 2017, un ‘National Cyber Security workshop’
patrosina pa VDA y facilita pa expertonan di TNO a wordo teni.
Na e workshop aki a asiti mas cu 50 participante di 15 organisacion y
infrastructura critico cu a duna input p’e futuro ‘Nacional Cyber Security Plan’. E
workshop aki a culmina den firmamento di e LOI ariba menciona.
E partnernnan lo forma un comision cu ta bay traha rib’e structura di
cooperacion den e lunanan nos dilanti. Tambe lo expande e cooperacion cu mas
organsiacion of infrastructura.
