Page 34 - KPA Feb 10, 2015

Sub Fiscal Dennis Jacobs: Den cinco parada tin un total 98
detencion cu a tuma lugar

Monday, 09 February 2015 20:20
Comparti

E cinco paradanan di carnaval cu ta tras di lomba a yega caba na un total di 98 detencion te cu awe. Esaki
a genera hopi placa na multa. Den un entrevista cu Dennis Jacobs e Sub Fiscal na warda, el a splica un
tiki riba e trabou cu nan tabata tin durante e dianan cu tabata tin parada.
Nan ta sinti cu el a bai hopi trankil pa nan. Fakkel tabata tin 27 detencion. Carnaval di mucha 7
detencion, Jouvert Morning 17 detencion, Lighting 14 detencion, parada di mucha San Nicolas 35
detencion. Na e parada di mucha na San Nicolas tabata tin 20 menor cu a wordo deteni. Esun mas hoben
tabata tin 12 aña. E mayornan a wordo yama pa presenta na warda pa bisanan kiko nan yiunan tabata
haci riba caya. E dia tabata hopi druk na San Nicolas. Lighting Parade tabata tin 14 detencion y cuater ta
menor di edad. Fakkel 27 detencion. E detencion ta wordo haci pa bringamento, strobamento di parada y
cargamento di arma blanco riba caya durante parada. Nenga ordo di polis tambe ta bai over na
detencion. Cantidad di droga tambe ta motibo di detencion. Bo ta haya un parket nummer unda mester
paga e multa. E formulario aki e detenido y subfiscal ta firma esaki. E prome reaccion di hopi di esnan
deteni ta bisa cu nunca mas e lo mira carnaval. Na Playa a gara hende cu droga y na San Nicolas a bolbe
gare cu marihuana. E persona aki mester paga multa. Ta papia nechi cu cada persona cu wordo deteni
ora nan yega warda pa atende riba e proceso y motibo di detencion. Notable ta cu algun di e muchanan
deteni no tin respet mas ni pa mayornan. Tin biaha mayornan ta bai sosega y nan yiu supuestamente
tambe. Na final ta yama e mayornan bisanan cu nan yiu menor ta deteni pa droga of algo otro. Mayornan
ta reacciona rabia riba nan yiunan pero mester presenta pa atende cu e problema. Tin biaha sla ta cay na
warda ora e mayornan mes klap e yiunan pa loke nan a comete.

http://www.24ora.com/local-mainmenu-5/91618-sub-fiscal-dennis-jacobs-den-cinco-parada-tin-un-
total-98-detencion-cu-a-tuma-lugar

Chauffeur ta dal banda di cas y sconde auto mesora

Monday, 09 February 2015 20:38
Comparti