Page 22 - AWEMAINTA

22 AWEMainta Diamars, 21 Juni 2017

Terrific Kids di St. Dominicus College y St.

Franciscus College a celebra e letternan I y C

DEN e prome siman di juni, Terrific Kids di St. Do-
minicus College y St. Franciscus College a reconoce
tur e studiantenan cu durante e ultimo dos lunanan di
schooljaar 2016-2017 a logra di ta un mucha “Inquisi-
tive” y “Capable”.
Terrific Kids ta un programa cu Kiwanis International ta
promove na scol basiconan unda un Kiwanis Club local
ta existi. Kiwanis Club of Palm Beach a dicidi di imple-
menta e programa hunto cu y guia dor di e docentenan
di St. Dominicus College como pilot school y despues
e programa a expande cuminzando e schooljaar actual
na St. Franciscus College.

Despues di e reconocimento, e muchanan cu a logra e
letternan a bay un outing hunto na Caribbean Cinemas.
E programa tin como meta pa reconoce e studiantenan
cu ta mantene nan mes na cada un di e letternan di e
palabra Terrific cu ta ta consisti di Thoughtful, Enthusi-
astic, Respectful, Responsible, Inclusive, Friendly, Inquisitive
and Capable.
Mas cu claro cu e programa ta wordo splica na Papia-
mento p’asina e muchanan por comprende nan meta.

For di schooljaar 2013-2014, e programa aki ta existi
na St. Dominicus College y desde e inicio e tabata un
exito rotundo.
Den schooljaar actual, esey no ta un excepcion y cu or-
guyo por bisa cu e programa a extende na St. Franciscus
College tambe.
E juffrouw y meneernan di ambos scol ta wak un dife-
rencia den e studiantenan cu ta logra forma nan caracter
y alabez haci nan abilidad di liderazgo mas fuerte.
Pa mas Information di Terrific Kids, bishita
http://www.kiwanispalmbeach.com/terrific-kids.html.