Page 29 - AVB
P. 29
Despues di e promer 10 minuutnan unda e wega a cuminsa haya forma, RCA tambe
ta lansa atakenan, hopi biaha den estilo di contra-golpi ora cu Dakota bay all out
den nan atake y perde e bala cu e defensa solido di RCA unda e bala ta bay di biaha
pa nan medio campistanan pa disitribucion. Apesar di algun yegada y iniciativa
tempran di e kipo di Solito, toch por a sinti cu e wega di RCA no tabata ‘click’
ainda, kizas cu presion pa sali bay busca gol di biaha pa e victoria tan necesario den
un wega pa nan bida, tabatin un ‘ansia’ y net nan cu mester di pasenshi pa hunga
nan wega. Dakota tambe cu nan velocidad y toke tabata tene e bala for di RCA,
factor determinante tambe.
