Page 41 - EXTRA 28OCT,2015

Djarason 28 òktober 2015 41

SOSEGA NA PAS ...Den nan aktividat promé di novèmber...

UN KORSOU HUSTU TA TRESE ORADO

INTERNASHONAL RIBA EKONOMIA

WILLEMSTAD.- Dia un evento na Sta. Barbara Don, riba ekonomia. For
promé di novèmber partido Beach Resort ku un orador di presentashon di su
Un Kòrsou Hustu ta organisá Internashonal, sr. Meindert vishon na mei 2014, Un
Kòrsou Hustu a anunsiá
ku ekonomia ta e wil ku ta
bai move Kòrsou pa yega e
destinashon final.

Pa Partido Un Kòrsou
Hustu, ekonomia no ta un
asuntu di sifra, ganashi i
porsentahe so. Ekonomia
pa partido Un Kòrsou Hustu
mester enfoká riba kreashon
di kupo di trabou. Ta dor
di krea kupo di trabou di
manera ku mas hende ta
haña trabou, por oumentá
e sirkulashon di plaka.
Mas hende tin trabou;
mas nan ta gasta; mas
negoshinan ta bende; mas
belasting gobièrnu ta risibí
i mas hende ta aportá na
fondonan di penshun.

Pa krea mas kupo di
trabou, mester desaroyá
sektornan ku tin potensial
pa krese: sektor marítimo
i sektor di agrikultura
moderno. Pa por desaroyá
e sektornan aki, mester
ta dispuesto pa introdusí
inovashonnan. Por ehèmpel
inovashon riba tereno di
energia.

Un Kòrsou Hustu ta
kere den ENERGIA BLOU
(OTEC= Ocean Terminal,
Energy Coversion). E ta
hasi uzo di e laman ku ta
rondoná Kòrsou pa generá
energia for di laman; aire
friu for di laman pa fria
edifisionan i uza e awa ku
ta keda produsí for di e aire
kondishon pa plantashon
den forma moderno. E forma
di pensa aki kaminda ta
produsí pa despues bolbe
uza, nos ta yama ekonomia
blou. E ta nifiká ku nos no ta
produsí pa uza i despues tira
afó pero produsí pa bolbe
uza mas tantu posibel lo bo
a saka for di bo produkshon.

E vishon ekonómiko
aki no ta un soño, pasobra
tin plannan hopi konkreto
desaroyá i invershonistanan
kla prepará pa invertí
mas ku 200 mion den por
ehèmpel Airport City i Eco
park na Hato. Resultado di
e energia blou ta: trabou;
energia pagabel; awa
pagabel i kuminda pagabel.

Durante e evento, e
orador Meindert Don, lo
dediká un seshon spesial
pa e hóbennan riba e
tópiko empresario di bo
propio negoshi. Por reservá
karchi ainda na sede
di Un Kòrsou Hustu tel
7380024/7380025. Orario
10-12 i 4-7 di atardi.