Page 5 - Lotto

DIAMARS 23 JUNI 2015 DIARIO PAGINA 9

Den Misa Cristian:

Pastor a comparti experiencia cu a
laga fielnan basha awa di wowo

ORANJESTAD (AAN) – Un comentario haci pa un persona
Cristian di algo cu a sosode Diadomingo cu a pasa den e Misa
cu e ta bishita, ta sumamente interesante, y tambe un ehemplo pa
tur mayor.E Pastor a laga su fielnan basha awa di wowo, ora el
a comparti cu nan un experiencia cu el a pasa aden como mayor,
y cu a laga su persona sinti hopi malo mes.E Pastor, por cierto
un persona sumamente respeta y aprecia den nos comunidad, in-
cluso pa hopi Catolico, a conta e fielnan durante su predicashi,
cu el a puntra su yiu con a bay cu futbol (e mucha ta hunga den
un ekipo), y su curazon casi a parti den dos ora e yiu a conteste:
“Papa si bo no por bin wak mi, anto no puntra mi…”
E Pastor a keda den shock pero a compronde cu su yiu tin ra-
zon, y pesey el a comparti su experiencia aki cu demas mayor-
nan presente den e Misa. Esaki ta mustra cu incluso e Pastornan
cu ta dedica nan bida na Cristo, mester tin tempo pa atende cu
nan yiunan den tur sentido, incluyendo ora nan ta haci deporte
of cualkier otro actividad, unda nan kier wak nan mayornan pre-
sente.Cu otro palabra, aunke un Pastor logicamente ta dirigi y
cuida su yiu(nan) den un bida cu normanan Cristian, cu amor,
afecto, disciplina, respet, etc., su presencia den momentonan di
recreacion tambe ta importante pa e mucha, no obstante cu e por
compronde y ta conciente di e mision cu su tata tin.Esaki ta conta
sin duda algun pa tur mayor, independiente di cual trabao nan ta
haci, di cual profesion nan tin.
E muchanan cu ta den deporte ta desea pa nan mayornan tey ora
nan ta entrena tambe, y sigur ora nan ta hunga, pasobra presencia
di nan mayornan ta duna nan hopi seguridad y incluso orguyo
sano. Un experiencia cu kizas nos por mire como un anecdota,
cu a yega na nos redaccion y cu nos tambe ta haya na su lugar
pa comparti cu nos lectornan, muy particular cu mayornan cual
yiunan ta haci deporte.