Page 65 - DIARIO27MRT

PAGINA 66 DIARIO DIABIERNA 27 MAART 2015

Grupo grandi di a reuni na Trappers Club pa celebra

Camacuri Harley Davidson Club Flag Day ride

ORANJESTAD (AAN)---
Aruba por a cera conoci
un biaha mas cu un otro
recorido entre diferente mo-
tociclista tanto local como
invitadonan di exterior cu a
bin Aruba especialmente pa
asina participa na e Cama-
curi Harley Davidson Club
Flag day ride. Logico cu pa
un grupo grandi asina, na fi-
nal bo tin mester di un lugar
apropia pa logra acomoda tur
participante despues di cada
actividad y pa tal motibo cu
e biaha aki, Trappers Club na
Santa Cruz a bira e cas di e
participantenan.
Trafico ariba caminda gran-
di tabata pega pa motibo di
e ambiente cu tabata reina
na Trappers Club y asta por
a mira personanan di exterior
cu tabata na Aruba, coriendo
rond den Santa Cruz ta busca
unda Trappers Club ta situa.
Ariba e ultimo dia di recori-
do rond di Aruba y despues
cu tur e participantenan a
yega y a come algo, Cama-
curi Harley Davidson Club
a bay over na haci entrega
di plakaat na diferente di e
Clubnan cu a bin di exterior
pa asina engrandece e evento
anual aki.
Un palabra di pabien ta na
su lugar pa Camacuri Harley
Davidson Club cu a logra di
celebra e dia di 17 edicion di
Flag day ride.