Page 32 - HOH 14 APRIL 2016

Aruba, a yega nan destinacion cu e virus aki. Sinembargo esaki no por a keda confirma pa
NoticiaCla.com.

SIMPTOMA DI INFLUENZA

E comunicado emiti pa e departamento di salud ta bisa cu influenza of griep ta un infeccion viral cu
ta afecta principalmente nos nanishi, garganta y pulmon. E infeccion ta dura generalmente un siman
y ta caracterisa su mes door di e sintomanan manera keintura, dolor di musculo, malestar general,
tos seco, dolor di garganta y rinitis (nanishi cu ta core). E virus cu ta causa influenza ta wordo
transmiti facilmente di un persona pa otro door di e particulanan cu ta wordo expulsa den aire na
momento cu un persona cu influenza/griep tosa of niester den bo cercania. Esaki ta pone cu e virus
ta propaga su mes rapidamente den forma di epidemia. For di comienso di januari e aña aki por
papia di un epidemia di influenza na Hulanda. Mayoria di pashent cu ta yega dokter cu influenza ta
muchanan di 0 pa 4 aña. E virus di influenza cu ta dominando eynan ta e tipo A(H1N1). Pa locual cu
ta trata e resto di Europa por wak cu e actividad di influenza ta subiendo.

SITUACION NA ARUBA

Na Aruba no tin masha caso registra te cu awor aki. Apesar di esaki Departamento di Salud Publico
kier informa cu ta hopi importante pa tuma medida di prevencion pa no keda contagia cu virus di
griep. Personanan cu ta cay bou di grupo di riesgo y cu no a tuma nan vacuna ainda contra griep ta
wordo avisa pa acudi na nan dokter di cas pa asina nan haya un receta cu ta indica cu nan ta cay
bou di e grupo di riesgo. Cu e receta aki nan por acudi na Departamento di Salud Publico, seccion
Malesanan Contagioso (DBZ) y nan lo wordo vacuna contra di influenza sin gasto adicional. Grupo
di riesgo ta: persona cu ta sufri di asma, persona cu tin diabetes, persona cu ta sufri di curason of cu
a yega di haya un stroke, persona riba 65 aña, hende muhe embarasa, persona infecta cu HIV of cu
tin AIDS, personanan cu tin cancer y muchanan menor di 5 aña, specialmente esunnan menor di 2
aña. Personanan cu no ta cay bou di e grupo di riesgo pero cu kier wordo vacuna contra influenza
por acudi directamente na Departamento di Salud Publico, seccion Malesanan Contagioso (DBZ).
No tin mester di presenta cu un receta. Costo pa vacuna ta AWG 15,=. Orario pa vacuna ta di
dialuna pa diabierna di 8:00 – 12:00 y di 14:00 – 16:00.

KEN NO MESTER DI E VACUNA

Esnan cu for di september 2015 te cu aworaki a haya vacuna contra influenza (griep) no mester
haya vacuna contra influenza di nobo. Departamento di Salud Publico kier recorda cu e miho
manera pa preveni infeccion ta door di tene cuenta cu e siguiente medidanan preventivo: vacuna
contra influenza y evita contacto di cerca cu personanan cu ta malo cu griep; si bo ta malo keda cas;
tapa boca ora bo ta tosa of nister; desinfecta man of laba man frecuentemente cu habon; purba di
no mishi cu bo wowo, nanishi ni boca y mantene custumber saludabel manera drumi suficiente, sea
activo fisicamente, bebe hopi likido y come alimento nutritivo y saludabel. o ignored

Pa mas informacion tuma contacto cu Departamento di Salud Publico, Seccion di Malesanan
Contagioso na telefon 522-4222.