Page 6 - HOH 23 SEPT 2015

MEP Lo denuncia proyecto hospital na
Ministerio Publico y Algemene Rekenkamer

Posted on 09/23/2015 10:18 am AST | Updated on 09/23/2015 10:20 am AST

ORANJESTAD – Fraccion di partido MEP lo denuncia proyecto hospital na Ministerio
Publico y Algemene Rekenkamer. Asina e miembro di fraccion di MEP Glenbert Croes a
laga sa. Siman pasa durante reunion publico relaciona cu e proyecto di hospitaal Minister
Schwengle a reta mi publicamente pa bai Ministerio publico. “Awe mi kier anuncia cu mi a
acepta su reto y conhuntamente cu e apoyo di fraccion MEP nos lo ta preparando
documentacion cu ta hustifica un investigacion di no solamente Ministerio publico pero
tambe nos lo bai solicita algemene rekenkamer di aruba y Hulanda pa hasi un
investigacion completo riba e proceso di bidding y cu a exclui cambernan di operacion”
Croes a bisa.

KEN TA CULPABEL

Segun Croes, ora bo tende discurso di Minister Schwengle, nan ta lamenta cu despues di 2 aña e
ta bin papia e idioma aki. “Loke nos kier enfatisa riba dje ta cu bo no por kere cu ta cuestiona
operatie kamer sin hasi esaki pe totalidad di proyecto”. Segun Croes, a adverti ‘e 2 aña pasa
prome cu e la firma e proyecto cu OHL Arellano laga hasi un investigacion independiente riba e
proceso di bidding. “Tawata obvio cu tawatin bidfixing pasobra a facilita pa laga un compania cu
no merece gana e bidding na un manera masha iregular”. Awor despues di 2 aña ta lanta for di
soño y esaki nifica cu e mandatario, segun Croes, ta mesun culpabel pa tur e problemanan cu
esaki por trece cune hunto cu tur e otronan cu a firma.

http://www.noticiacla.com/news/3965