Page 39 - Extra-31 yanuari 2018.pdf

Djarason 31 Yanüari 2018 39

Kachónan “sendé sendé” tras di otro

WILLEMSTAD.- Muchu hopi biaha den e komunidat aki nos ta haña nos mes konfrontá ku e tipo di situashonnan aki, kaminda tin un kachó muhé
ku ta ‘loops’ i rondoná pa un kantidat di kachó machu ku ta “sendé sendé”. Hopi biaha ta esenanan bergonsoso, pasobra den e reino di animal no
konosé diskreshon ni límite. Esun ku ta mira ta su asuntu! I ora fiesta kaba, chistoso ta ku esun ke trèk bai kas pariba i e otro ke bai pabou. Abe
maria!!
Korte ta duna shofùr but kondishonal

WILLEMSTAD.- Durante e shofùr S.M. a presentá ku e no tabata di akuerdo ku
kaso di infrakshon di tráfiko den sala di korte, pa motibu e but ku el a risibí.
Hues a relatá, ku polis
a skibi den e prosèsverbal
ku nan a para e shofùr pa
motibu ku e vehíkulo ku e
tabata manehá su pera parti
dilanti tabata kimá.
Segun e shofùr na
momento ku el a sali kas,
su lus tabata sendé.
El a bisa ku e no a tuma
nota mes ku e lus a paga na
kaminda.
El a bisa ku kisas e lus a
kima sin ku e tabata sa.
Segun e shofùr mas aleu
el a splika e verbalisante
esaki, pero tòg el a dun’é un
but di 50 florin.
Fiskal a bisa ku e no ta
mira e motibu pa kiko e no
tin ku kere e loke e shofùr a
bin korte pa splika.
Segun fiskal e ta kere ku
e shofùr ta papia e bèrdat
i esei ta pone ku e ta hasi e
but kondishonal, pero ku un
periodo di prueba di 1 aña.
Esei ta nifiká ku e shofùr no
tin nodi di paga e but, pero
si den un aña di tempu e
kometé kualke infrakshon
den tráfiko, e ora ei si e tin
ku paga tur kos.
Hues ku na final mester
a tuma un desishon, a bisa
di no ta mira e motibu pa
desviá for di e demanda i a
bisa di ta bai kompletamente
di akuerdo ku fiskal.