Page 58 - FLIPPKA
P. 58
Mucha victima di accidente ta fayese
Publication: Monday, 16 March 2015. Categoria: Policial
ORANJESTAD(AAN)–: Tabata diabierna rond di 7:00pm cu a sosode un accidente serio riba e
caminda di Spaans Lagoen den cual un auto a dal un mucha cu tabata hungando riba caminda. E
situacion di e victima tabata critico.
Polis, riba peticion di e Paramediconan riba Ambulance, a cera e caminda principal riba ruta pa
Hospital pa por a yuda e ambulance yega mas lihe posibel. Tur esaki mientras den ambulance
tabata haci tur posibel pa cuminsa brinda prome asistencia, den contacto constante cu
dokternan na Spoedeisende Hulp di Hospital cu tabata spera riba e victima.
Mientrastanto na e sitio e constata cu e chauffeur di e auto cu a dal e hobencita ta un Polis. Pa
por garantisa transparencia y imparcialidad, a manda yama tur autoridad competente,
incluyendo Alto Comisario di Polis, cu a presenta na e sitio pa pone su mes na altura di e
susedido.
A interoga e sospechoso, a detene y haci un test cune di rosea, cu a confirma cu e tabata bou di
influencia di alcohol. E investigacion ta continua awor, bou direccion di Ministerio Publico.
Diasabra a drenta e noticia tristo cu pa 2:17 merdia, Dokter na Hospital a constata morto di
Zinnia K. Croes, naci na Aruba dia 29 di october 2002.
Polis a activa su ekipo di “Slachtofferhulp” cu ta brindando asistencia na mayornan y famia
directo di e victima, mientras cu na otro banda ta brindando sosten tambe na e Polis cu tambe
ta pasando den momentonan masha dificil.
Riba red social a nota hopi critica riba e hecho cu e sospechoso a keda deteni y laga liber.
Cuerpo Policial ta aclaria cu e autoridad cu ta dicidi riba detencion y encarcelacion ta Ministerio
Publico.
Nan tambe ta confrontando un cambio haci den leynan penal, den cual a baha e castigo pa
causa accidente bou di influencia di alcohol di 4 pa 3 aña. E cambio a pone cu Fiscal no por duna
ordo pa detene un sospechoso asina y encarcel’e te dia e caso bini dilanti Corte. Esey ta posibel
solamente den delitonan cu tin un castigo di 4 aña of mas.
Dicon a cambi’e, no ta conoci. Mando Policial a atende e asunto aki caba cu e instancianan
concerni.
Cuerpo Policial Aruba ta expresa palabranan di condolencia na famia di e victima, cu sin duda ta
pasando den hopi tristeza y dolor na e momento aki.
http://www.diario.aw/2015/03/mucha-victima-di-accidente-ta-fayese/
Publication: Monday, 16 March 2015. Categoria: Policial
ORANJESTAD(AAN)–: Tabata diabierna rond di 7:00pm cu a sosode un accidente serio riba e
caminda di Spaans Lagoen den cual un auto a dal un mucha cu tabata hungando riba caminda. E
situacion di e victima tabata critico.
Polis, riba peticion di e Paramediconan riba Ambulance, a cera e caminda principal riba ruta pa
Hospital pa por a yuda e ambulance yega mas lihe posibel. Tur esaki mientras den ambulance
tabata haci tur posibel pa cuminsa brinda prome asistencia, den contacto constante cu
dokternan na Spoedeisende Hulp di Hospital cu tabata spera riba e victima.
Mientrastanto na e sitio e constata cu e chauffeur di e auto cu a dal e hobencita ta un Polis. Pa
por garantisa transparencia y imparcialidad, a manda yama tur autoridad competente,
incluyendo Alto Comisario di Polis, cu a presenta na e sitio pa pone su mes na altura di e
susedido.
A interoga e sospechoso, a detene y haci un test cune di rosea, cu a confirma cu e tabata bou di
influencia di alcohol. E investigacion ta continua awor, bou direccion di Ministerio Publico.
Diasabra a drenta e noticia tristo cu pa 2:17 merdia, Dokter na Hospital a constata morto di
Zinnia K. Croes, naci na Aruba dia 29 di october 2002.
Polis a activa su ekipo di “Slachtofferhulp” cu ta brindando asistencia na mayornan y famia
directo di e victima, mientras cu na otro banda ta brindando sosten tambe na e Polis cu tambe
ta pasando den momentonan masha dificil.
Riba red social a nota hopi critica riba e hecho cu e sospechoso a keda deteni y laga liber.
Cuerpo Policial ta aclaria cu e autoridad cu ta dicidi riba detencion y encarcelacion ta Ministerio
Publico.
Nan tambe ta confrontando un cambio haci den leynan penal, den cual a baha e castigo pa
causa accidente bou di influencia di alcohol di 4 pa 3 aña. E cambio a pone cu Fiscal no por duna
ordo pa detene un sospechoso asina y encarcel’e te dia e caso bini dilanti Corte. Esey ta posibel
solamente den delitonan cu tin un castigo di 4 aña of mas.
Dicon a cambi’e, no ta conoci. Mando Policial a atende e asunto aki caba cu e instancianan
concerni.
Cuerpo Policial Aruba ta expresa palabranan di condolencia na famia di e victima, cu sin duda ta
pasando den hopi tristeza y dolor na e momento aki.
http://www.diario.aw/2015/03/mucha-victima-di-accidente-ta-fayese/
