Page 66 - FLIPPKA

Tironan a cay den Korvetstraat

 Mar 16th, 2015
 Policial, splash

Dialuna mey anochi habitantenan di Korvetstraat na Madiki a scucha varios tiro den e caya y asta
un of mas bala lo a dal riba algun auto. Un tercel a keda mira na momento di e tironan,
habitantenan cu tabata pafo di cas lo a wak mas cu 3 hende den esaki. Tabatin un persona sinta
den su toyota tercel blanco pariba den e caya na momento cu e tercel shinishi a pasa los tiro den
e caya y un di e balanan a perfora banda di pasahero. E chauffeur cu a scucha esaki a drenta
panico despues di tur e tironan. Te asta un auto su dilanti staciona tambe lo a haya un perforacion
di bala. Polis a cera e area pa busca huls pero no tabata e caso ya e sospechosonan lo a usa otro
tipo di bala cu no a laga huls atras. Autoridad tin datos di ken te sospechosonan, departamento
technico di Polis y recherche a cera e area pa haci nan investigacion.