Page 43 - MIN,SJA MAY 28

E aña aki atrobe amantenan di cortometrahe lo wordo malcria cu un tremendo festival di peliculanan cu
duracion di menos cu 15 minuut. Un diferencia compara cu anã pasa ta cu lo tin e aña aki dos categoria:
categoria Hubentud, di 12 pa 18 aña y categoria Adulto di 19 aña bai ariba.

E fechanan di e festival lo ta for di diaranson 2 te diasabra dia 5 di september benidero. E prome dos
dianan lo ta preseleccion di e peliculanan: diaranson dia 2 lo selecta e 5 miho peliculanan di categoria
Hubenil, mientras e dia sigiente lo selecta e 5 miho peliculanan di categoria Adulto. E nominadonan lo
wordo anuncia riba e diahuebs anochi, y lo competi cu otro riba diabierna dia 4 di september na Cas di
Cultura (Hubentud) y diasabra dia 5 di september (Adulto).

For di dia prome di mei a habri e inscripcion pa participa y ya varios persona a inscribi caba via nos
websitewww.arubashortfilmfestival.com of via nos FB-page Aruba Short Film Festival. E premionan lo ta
fantastico: fuera cu lo inscribi e peliculanan ganador pa participa na diferente short film festival
internacional, e.o. na esun di Cannes na Francia, e ganadornan lo wordo hiba New York pa un siman cu
tur gasto paga pa atende cursonan na e renombra New York Film Academy. Pa mas informacion, bishita
nos FB-page of nos website.

http://www.24ora.com/local-mainmenu-5/95616-aruba-short-film-festival-2015-cu-premionan-
fantastico-e-ana-aki

Minister Paul Croes a reuni cu Director General di ILO

Wednesday, 27 May 2015 17:00
Comparti

Minister di Asuntonan Social y Hubentud drs. Paul Croes ta na Ginebra na unda e siman aki e tin
diferente encuentronan cu organisacionan y nan representantenan. Den cuadro di esaki tabata tin un
reunion di hopi importancia unda Minister di Labor drs. Paul Croes a topa cu sr. Guy Ryder kende ta
Director General di International Labor Organization (ILO) na Ginebra Suiza.

Durante e encuentro aki Minister Croes a mustra señor Ryder riba e retonan cu Aruba tin pa locual ta
desempleo bao di hubentud y tambe riba e plan pa asina por yega na un pais mas productivo. Guy Ryder
ta un persona cu hopi experiencia den e mundo laboral y tambe ta guia e organisacion di mas renombra
internacionalmente di cuestionan laboral. Sr. Guy Ryder hunto cu su ekipo di trabou a mustra interes di
yuda Aruba den su plannan pa asina logra su meta. Banda di esaki Minister Paul Croes a mustra riba e
estudio recien realisa pa Universidad di Aruba riba e norma y balornan di hubentud di Aruba. ILO a keda
masha impresiona cu E direccion cu Aruba a tuma pa combati desempleo bao di hubentud. Algun logro
importante den e reunion aki lo ta e apoyo technico cu Aruba lo recibi riba algun tema specifico di