Page 18 - diario

PAGINA 18 DIARIO DIABIERNA 16 JANUARI 2015

Caha di Polis lo por haya basta cen partiendo boet!

Hopi chofer no ta duna otro
chens pa staciona nan auto

na Oficina di Impuesto

ORANJESTAD (AAN): E dianan aki esnan cu a bay paga
cualkier sorto di impuesto na Oficina di Impuesto na Cumana
sa masha bon cu e lugar ta yen di hende y cu no ta facil pa
haya lugar pa parkeer.
Reaccion cu nos mesa di redaccion a haya ta cu ta un lastima
pa mira con tin personanan sin escrupulo cu ta gewoon yega y
para nan auto con cu ta sin tene cuenta cu e demas personanan
cu tambe mester haci nan tramite.

E potret aki ta un muestra con e chofernan ta yega y ta
para nan auto ocupando dos lugar di parkeer sin duna otro e
oportunidad di haya un lugar.

Ta masha tristo pa wak con inconsciente e personanan aki
ta. Ohala cu polis por pasa y tene un control na e parkeerplats.
Di e manera aki caha di polis lo haya hopi cen cu cada
procesverbal cu nan parti.

Prison den cual “Joran” ta
sinta castigo considera
como “Fierno riba Tera”

ORANJESTAD (AAN): Informe for di Lima Peru ta
menciona cu recientemente hues dicidi e decision tuma pa
translada Joran van der Sloot di prison” PIedras Gordas” como
motibo di su comportacion pa “Challapalca” ta corecto.

Abase di e decision di hues, Joran lo apela e decision den
corte comun. Su abogado a laga sa na medio Peruano, cu su
cliente no solamente ta sinti su mes insigur, debi den e prison
Piedras Gordas e por concentra pa e proceso di re-socialisacion
y traha. Manera ta conoci, Joran a wordo condena pa sinta 28
ana di castigo pa a asesina e mucha muher Peruano Stephany
Flores.

E prison “Challapalca” cual na e momento aki e ta sinta
castigo ta casi 5000 pia halto y ta keda na frontera di Peru
y Bolivia. E organisacion Derecho Humano ta pleita pa sera
“Challapalca” abase di circunstancia frialdad extremo , anochi
ta 20 grado bao di cero y no tin aparato di calentamento.

Aña pasa den luna di November Joran a trece dilanti via su
abogado cu e lo a wordo hinca pa preso cual e ta comparti e
cel, debi cu e preso kier pa e prison Challapaca wordo cera,
nan a scoge Joran como blanco pa ataca. Joran ta e unico
stranhero (Hulandes) den e prison en cuestion y su morto lo
causa “Scandal”.