Page 88 - KPA

Richardson: Top di polis lo conoce

varios cambio otro luna

Posted on 08/16/2017 4:07 pm AST | Updated on 08/16/2017 4:14 pm AST

ORANJESTAD – Comisario di polis Trudy Hassell ta bira e proximo hefe di
Recherche, Vanessa Tjon-Kock ta bira e hefe di ‘Bijzondere Diensten’ y Irma
Gordon a bira hefe di algemene diensten. Esey ta departamento uniforma. Asina
Alto Comisario di polis Dolfi Richardson a confirma pa NoticiaCla diaranzon
atardi. Segun Richardson, ta un proceso cu e kier a haci for di 6 luna pasa, esta
rouleer henter e top di polis. Y como tal ora cu a puntre riba e informacion cu a
keda publica den e matutino Awe Mainta, el a confirma esaki pa e portal aki. “Nan
tabata sa di esaki pero nan no tabata sa cua departamento nan lo a bay” Richardson
a bisa.

TARDANSA Loke a pasa ta cu e baymento di un di e inspectornan, den e caso aki sr Ho,
Richardson mester a bay bek pa redistribui e posicionnan di nobo. “Esey a tuma tempo
prome cu mi por a ehecut’e (e plan)”, e alto comisario a bisa. Como tal a ofrece e
posicionnan respectivo na e personanan menciona, y na a acepta esaki tambe den curso di
dia. Como tal e dos personanan menciona lo asumi nan funcion nobo comienzo di otro
luna.