Page 5 - FLIP

Aruba Airport Authority encanta di traha cu Team Aruba
Racing

Sunday, 14 February 2016 17:53
Comparti

Poco ekipo di drag racing en berdad por yama nan mes internacional. Solamente algun ekipo selecta ta
competi na nivel profesional y den caredanan internacional. Y di eseynan atrobe, djis algun ta sigui un
circuito completo pa e World Championships.

E hecho cu e Pro Stock Team di Aruba a haci esey pa 13 aña, ta pone Team Aruba Drag Racing den un
posicion mas halto. Un biaha mas, Team Aruba ta bay mas dilanti, e biaha aki cerando un aliansa cu
Aruba Airport Authority N.V. (www.airportaruba.com).

Aruba Airport Authority N.V. (AAA) ta e unico airport internacional riba nos dushi ‘One Happy Island’ y

pesey ta e prome impresiona cu biaheronan internacional y turistanan ta haya di Aruba. E airport hopi

biaha a keda elogia pa su tremendo manera di duna un bon bini, ganando asina e tan anhela Excellence
in Airport Marketing Award na februari 2015 y despues, na december a ricibi un premio adicional como

ehempel di promocion di siguridad na airport pa henter mundo.

“Nos ta drentando nos di 14 temporada di careda na Merca y nos no por ta mas orguyoso di representa
tanto nos isla, como nos airport den e competencianan,” asina coredo di Team Aruba, Trevor Eman a

bisa. “Esaki ta un logro inmenso pa nos, pasobra e ta otro stap grandi den por promove Aruba so den e

caredanan. No solamente nos por promove e destinacion, pero awo tambe nos por promove miho con pa
yega y sali di nos destinacion. E combinacion aki ta haci di nos organisacion di careda un muestra mas

grandi y miho di e elemento ‘internacional’ den nos serie di careda, e International Hot Rod Association.

“Nos no por ta mas gradici na henter e ekipo di Aruba Airport, consistiendo di Sr. James Fazio CEO di

AAA, Sr. Barbara Brown CCO di AAA y Sr. Hendrik Croes vocero di AAA y henter e directiva y personal
pa nan confiansa y apoyo pa cu Team Aruba,” asina Eman a sigui bisa.

“E hecho cu nos a crea un relacion mas estrecho cu airport ta hacie ainda mas special. Ta na airport nos

ta haya nos prome y ultimo saludo prome cu bay haci nos trabou. Nos ta biaha asina hopi, cu semper nos
ta wak e mesun caranan na e bali di check in, bali di inmigracion, punto di siguridad, sala di salida,

luganan di cuminda, sala di yega, y asina por sigui menciona. Tur caminda na airport nos ta topa cu

caranan conoci despues di 14 aña di caredanan y aki ta caminda nos ta haya e bon deseonan di mas
grandi y net prome cu nos bay Merca pa competi. Mane cu nos yega bek Aruba, nos ta haya un pabien pa

nos desempeño afo. Tur esaki ta un motivacion grandi pa nos competencia y trabou di promocion na

Merca. Nos tin mas confiansa di promove nos cas den paraiso cu e hendenan di Merca y otro turistanan
internacional dor di sa cu nan prome impresion di Aruba lo ta uno bon na Aeropuerto Internacional

Reina Beatrix. Team Aruba ta honra di tin un socio asina proactivo cu nos pa e temporada di

competencia 2016.”
Aruba Airport ta hopi entusiasma cu e aliansa nobo aki ya cu e lo ta beneficioso pa Team Aruba, pa

airport y pa Aruba: “E aliansa aki ta e combinacion perfecto pa nos. Semper nos ta buscando maneranan

nobo pa promove nos mes y nos destino. Team Aruba ta un socio clave den promove e destino cu ta
Aruba na e caredanan aki, entre e miles di fanatico di drag racing cu ta bishita y sigui e caredanan aki

rond mundo,” asina CEO di AAA, Sr. James Fazio a bisa.