Page 52 - FLIP KPA

Truck ta primi trahador net ora di bay descarga producto
na Deposito

Publication: Wednesday, 4 March 2015. Categoria: Policial

ORANJESTAD(AAN): Net na un Deposito na un area di Balashi, a sosode Diamars atardi un
accidente.
Na un bay di descarga, un trahador tabata canando patras di un Truck di Entrega, y e chofer sin
sa a keda reverse, y na final a primi e empleado contra e muraya.
Ora el a tende gritonan el a core hala dilanti.
Un patruya di polis cu pa suerte tabata moviendo den e area, a mira con hendenan ta zwaai man
pa nan. Asina a core bay check y descubri e suceso.
Nan a mira e trahador benta abou den un pocision basta fastioso. E caso a pasa banda di e cura di
WEB na Balashi bay north direccion Brouwerij Balashi. Caminda e caso a pasa mes no tin
nomber di ningun negoshi, y varios trahador eynan ta di origen Asiatico.
Segun informacion e empleado aki tabata tras di e truck tratando di habri e porta y e chauffeur
tabata reverse sin sa cu tin un colega patras.
Den e proceso el a primi e trahador den e muraya. Polis cu tabata den e area a pidi pa ambulance
cu urgencia. Na yegada a atende cu e victima cu tur cautela necesario pa asina evita mas daño na
su curpa. E tabata na tino y ambulance a bay cune hospital.
http://www.diario.aw/2015/03/truck-ta-primi-trahador-net-ora-di-bay-descarga-producto-na-deposito/