Page 19 - AHATA

Control estricto necesario pa entrada pa

Aruba

January 3, 2020
0
SHARE

Facebook

Twitter

- Advertisement -

Situacion na Haiti ta uni cu culminacion conflicto Venezolano

*Islanan Hulandes ta keda refugio social importante pa region

*Turismo por sconde intento di migracion ilegal di region

ORANJESTAD(AAN)–“Siguridad di Arubianonan mester bini na prome luga awor. 2020

a cuminsa cu un tension mundial grandi, cu tambe tin impacto na Aruba. E situacion na
Venezuela ta sigui escala mientras cu e desaroyonan na Haiti por wordo considera
explosivo.” Esaki ta informacion cu DIARIO a compila durante e dianan cu a marca
salida di 2019 y entrada di 2020.

E tension mundial ta crece cu problema practicamente rond mundo. Otro siman ta
sumamente importante pa Venezuela y Haiti. Informantenan clave ta mustra cu entrada
di Aruba ta bou di hopi vigilancia y medida di siguridad.

“Tur sector y tur ciudadano di Aruba mester aporta na siguridad di e pais. Na e
momentonan aki no mester duna yudansa na ningun forma di ilegalidad. Bienestar di
Aruba ta depende di sosten di tur miembro di comunidad,” a wordo treci dilanti na

DIARIO.

Informacionnan ricibi ta mustra cu durante 2019 e situacion social na Latino America y
den Caribe a empeora. Aunke situacion na e islanan Hulandes tambe ta preocupante, e

nivel di bida na e islanan Hulandes ta destaca den e region di Caribe y Latino America.