Page 24 - Aruba Bank 30 April 2015

RBC Royal Bank su segundo ‘Dia di Informacion di
Hipoteca’ un biaha mas tabata super exitoso

• Apr 29th, 2015
• Local

Diasabra 25 di april RBC Royal Bank a tene su di segundo ‘Dia di Informacion di Hipoteca’. Un dia
sumamente exitoso unda cu clientenan nobo y existente a bishita RBC na Sasaki pa asina ricibi tur
informacion necesario pa traha, cumpra of renoba nan propio cas.
Cu un expo y seminario bon bishita RBC a sa di duna un biaha mas tur bishitante tur informacion cu nan
mester sa tocante hipoteca. Dos Branch Managers, Sra. Joanaila Geerman-Lacle, conhuntamente cu Sr.
Carlos Eckmeyer a duna e seminario di hipoteca na unda nan a duna un splicacion amplio riba e
diferente stapnan na momento cu tuma un decision asina importante den un persona su bida cu ta ser
doño di bo propio cas. Tambe tabata tin un experto di Seguro cu a splica e diferente tipo di seguronan
necesario na momento di tuma un Hipoteca di RBC.
Den expo tabata tin diferente agencia di Real Estate y contratistanan presente cu duna informacion di
nan servicio y a expone tur loke nan tin na propiedad.
RBC Royal Bank ta un banco cu ta duna hopi balor na e beneficionan pa e cliente como tambe e guia
corecto, p’esey ta haya hopi importante pa su clientenan ta bon informa. RBC kier a gradici tur persona
cu a sa di duna nan confianza na RBC como consehero di Hipoteca.