Page 65 - MIN ARENDS - RICHARD ARENDS

evaporacion di mas di 700 miyon florin di nos economia di cual 100 miyon a toca caha di
gobierno directamente. Di un momento pa otro nos tabatin 100 miyon menos den caha di
gobierno. Gobierno a opta pa inverti enbes di austerisa. Cualkier gobierno cu a drenta na

mando na e momento ey tabatin dos opcion y nos a wak e rond mundo. Of inverti of
austerisa. Gobierno por a scoge pa corta den beneficionan, den salario, den AZV, pensioen

of por a scoge pa inverti. Gabinete Mike Eman a scoge pa inverti.”

A inverti den economia, den infrastructura, den areanan publico y den energia. A amplia
espacio financiero di empresanan y a aumenta poder adkisitivo di famianan”Gobierno a

keda sin cobra dividendo di companianan di utilidad pa asina e companianan aki tabatin
espacio pa inverti y esaki a percura tambe pa un reduccion substancial di e tarifanan di awa
y coriente loke a percura pa entrada disponibel di famianan y negoshinan.

“Obviamente den e periodo aki bo ta crea un deficit pasobra bo gastonan ta keda manteni,

mientras cu bo entradanan ta menos. Pa cubri e deficitnan aki, Gobierno tin e posibilidad di
fia riba mercado local y internacional. Aunke disminuyendo tur aña, e deficitnan ta suma
riba e debe nacional.” Minister a bisa cu recientemente tabatin un publicacion den cual ta

indica cu consumo di sector publico a baha y esaki ta pasobra e deficit ta reduciendo
gradualmente. Na 2013 pa 2017 tin un reduccion di casi 500 miyon florin di nos deficit. Esaki

kier men 500 miyon florin menos cu nos mester fia, pero tambe 500 miyon menos cu ta lora
den nos economia. No lubida cu gobierno tambe ta un actor den economia. Tur e debenan

aki ta placa cu ta keda lora den nos economia, pasobra gobierno tambe ta inverti, ta cumpra
servicio y asina participa den e economia.

“E debe ta wordo midi na e proporcion di bo economia. Aunke cu bo debe a keda mescos,
den un economia cu a cay, e cifra cu bo ta dividi e debe ta bira mas abou y e resultado

matematicamente mas halto. Na momento cu bo economia crece e proporcion aki ta bolbe
subi. Esaki ta algo cu nos ta wak cu crecemento economico modera. Sinembargo, manera

CAFT a caba di indica, nos ta na punto di tin un perspectiva di reduccion di e debe nacional.
Esaki ta algo historico. Na 2018 e deficit ta bira un surplus cu ta 50 miyon riba zero. E placa

aki ta bay directamente pa reduci e debe nacional. Un combinacion di e reduccion nominal
di e debe door di e surplus, sigui pa un crecemento economico modera y si logra haya