Page 30 - BNDIA ARUBA

a30 local
Diahuebs 26 OctOber 2017
Huki pa muchanan lesa tambe a habri na MFA Savaneta

SAVANETA - Durante apertura oficial di MFA Savane-
ta dialuna ultimo tabatin un celebracion pa conmemo-
ra e finalisacion di e proyecto. Bibliotecaria hubenil na
Biblioteca Nacional (BNA) Olivia Figaroa a conta Bon
Dia tocante un proyecto cu BNA tin den e MFA: un
espacio pa mucha y hobennan studiante por lesa y uza
computer cu a habri den e edificio nobo.

Sra. Figaroa a bisa cu esaki ta e di tres huki pa lesa cu el a in-
stala pafo di e biblioteca mes, e otro dos situa na e dos MFA
nan na Noord y Paradera. E sistema pa registra bukinan no ta
digital manera esun na biblioteca mes, pero riba esaki BNA lo
traha den futuro.

“Nos tin un formulario unda nos ta yena e fecha ora e buki ta
wordo fia, nomber y telefon. Bukinan por wordo fia pa maxi-

mo un luna y ora di entrega esaki ta yen’e fecha ey tambe den e formulario”.
Den futuro BNA lo implementa un sistema unda tur e filialnan di biblioteca na e 3 MFA lo
wordo conecta. “E otro 2 MFA cu lo wordo construi tambe lo mester wordo integra den e
sistema aki, pero na San Nicolas esaki no lo wordo implementa mirando cu nos tin un filial na
San Nicolas caba”, e bibliotecaria a splica.

E coleccion di buki cu ta disponibel awo ta consisti di un seccion pa mucha na diferente
nivel: AVI 1, 2 y 3. Pero tambe un seccion pa adulto cu tin bukinan den Ingles tanto como
den Hulandes. Actualmente e ta un coleccion chikito pero BNA lo amplia esaki despues di
tempo. “Mi tin mas cu mi tin di trece ainda, pues boso por spera cu nos lo amplia e coleccion
basta lihe”, sra. Figaroa a bisa.

Tin computernan tambe cu ta disponibel pa uzo di studiante, mucha y hoben, como tanto un
printer cu ‘lo wordo destina pa uzo escolar’. “E nomber cu nos a duna e espacio ta e Acuario,
pasobra nos ta sinti manera den un Acuario cu tur e glas bunita. Pa e muchanan e ta un bon
luga pa concentra mirando cu e ta keto y e airco ta traha bon. Awo e zonido ta stroba un poco
pero esey ta pa via di e apertura. Durante oranan di opera normal e lo ta keto”.