Page 18 - AWEMAINTA

18 AWEMainta Diasabra, 16 Juni 2018

Minister Dangui Oduber a reuni cu stakeholders

riba e tereno di salud mental y adiccion

DIAHUEBS ultimo Minister di Turismo, Salud Publico y Deporte, Dangui
Oduber a reuni pa di dos biaha cu e stakeholders importante riba e tereno
di salud mental y adiccion.
Durante e encuentro aki cada stakeholder a duna un splicacion di nan
trabao y servicio den ramo di psiquiatria y adiccion.
Manera ta conoci e vision di Minister Oduber ta pa bin cu un maneho
integral di psiquiatria y cuido di adiccion, caminda tratamento di e malesa
sea adiccion y/of psiquiatria ta central.
Loke a sali afo ta cu tin hopi falta di atencion pa cu e cuido mental di nos
hobennan y hende muher.
Seguramente esaki ta un di e puntonan di atencion di Minister Oduber.
Asina aki Minister Dangui Oduber ta demostra cu den su maneho riba
tereno di salud e persona ta central.