Page 5 - IMSAN - MAY 21, 2015

ImSan ta celebra su segundo
lustro
Thursday, 21 May 2015 12:58
Comparti

Dia prome di juni proximo ImSan ta celebra su segundo lustro. Instituto Medico San Nicolas a wordo
institui pa medio di un ordenansa nacional cu a drenta na vigor dia prome di juni 2005.
ImSan de facto a cuminsa cu e ambtenaarnan cu tabata traha na e departamentonan di gobierno esta
Centro Medico dr. Rudy Engelbrecht y Ambulance cu pa medio di e ordenansa menciona a wordo poni na
disposicion di ImSan.
Poco poco segun e servicionan cu ImSan tin cu duna na bienestar di e comunidad Arubano a aumenta,
manera por ehempel centro diabetico, specialista di wowo y centro di dialisis. ImSan a cuminsa tuma su
mesun empleadonan den servicio.
Desde aña 2013 tur e personal cu ta traha na ImSan ta den servicio di ImSan mes, tur tin un contracto di
trabou cu ImSan.
ImSan tin actualmente 148 empleado den su servicio cu ta e pilarnan di ImSan cu hunto ta traha na
calidad, mehoracion y progreso. E trahamento y pensamento consecuente segun e balornan nucleo,
finalmente ta duna un ambiente di trabou agradabel den cua e empleadonan como colega por conta cu
otro y unda hunto ta haci nan best pa cada biaha duna e pashentnan/clientenan un miho ayudo y
servicio.
Den cuadra di e celebracion di su segundo lustro y como muestra di aprecio pa e excelente trabou di su
empleadonan na bienestar di e comunidad Arubano ImSan lo bay organisa diferente actividadnan pa nan.
ImSan ta haya na su luga pa tambe gradici tur e mandatarionan, e directornan y ex empleadonan di
ImSan cu di un manera of otro a contribui na unda ImSan ta awe.
Un gradicimento ta bay tambe pa AZV y tambe Hospital pa tur cooperacion duna di nan banda te awor.
Concretisacion di e plannan cu ImSan tin pa bin cu radioterapia, eye center, salanan di operacion y un
departamento di sterilisacion na ImSan lo nifica un adelanto grandi pa Salubridad Publico na Aruba, pues
na bienestar di e comunidad Arubano.