Page 21 - AHATA

Inversion continuo den producto turistico ta

esencial A.T.A. ta premira continuacion di

resultadonan turistico positivo pa 2018

July 20, 2018

Recientemente Aruba Tourism Authority (A.T.A.) a publica resultadonan di Juni y cu esey resultadonan pa
prome mita di 2018. Aki a refleha cu durante e prome mita di 2018, cantidad di bishitantenan a subi cu 2.6%, y
cantidad di placa cu ta wordo registra pa AHATA como rendimento pa camber (RevPar) a subi cu 12.4%. A

wordo constata cu 50% di e inventario hotelero caribense afecta pa horcannan den 2017, awor ta disponibel
atrobe den mercado turistico di Caribe. No obstante di esaki proyeccionnan ta indicando cu restante di 2018 lo
ta uno cu resultadonan positivo, danki na entre otro e inversionnan continuo y maneho proactivo di A.T.A.

Aruba ta proyecta di sigui crece no obstante retonan den Caribe
Midimento di calidad di bishitante ta un indicador y no ta e unico cu ta wordo aplica of midi. Ta premira
continuacion di resultadonan turistico positivo pa 2018 cu un crecemento den cantidad di bishitante ‘stay-over’
pa Aruba. Tambe ta proyecta un temporada halto cu lo ta fuerte, despues di un bon temporada halto pa 2018. E

aumento den cantidad lo bay man den man cu crecemento den entrada pa pais Aruba pa 2018. Esaki a crece cu
6.5% na 2018 (Tourism Receipts registra pa Banco Central Aruba). Mas cu claro factornan por cambia,
incluyendo aspectonan den linea cu temporada di horcan 2018. Aparte di e incremento di cantidad di
bishitante, A.T.A. a constata un crecemento positivo den calidad di bishitante ricibi y por a nota cu e calidad a

subi mas fuerte cu e cantidad di turista, conforme e vision y maneho stipula. Pero esaki ta algo cu mester keda
mantene y monitoria mirando cu otro paisnan den Caribe ta sigui introduci productonan nobo y na prijsnan
atractivo. Esaki ta nifica cu e reto ta sigui y ta urgi pa keda inverti den Aruba su producto hotelero y turistico.

https://arubanative.com/2018/07/20/inversion-continuo-den-producto-turistico-ta-esencial-a-t-a-ta-premira-
continuacion-di-resultadonan-turistico-positivo-pa-2018/