Page 16 - KPA

8 AWEMainta Dialuna, 25 September 2017
Abogado mr. Marije Vaders a saca
Arnell Salsbach liber di acusacion
WILLEMSTAD – Un ciudadano cu yama Arnell Sals-
bach, kende tin 25 aña di edad ayera a aparece den sala di
corte acusa di posesion di arma di candela.
Tabata dia 1 di juni 2017 cu Polisnan a core tras di Arnell
Salsbach, siendo e tabata den un auto Kia Rio despues di a
caba di haya un cabes di boto cerca un tal Puzjil, kende en
realidad ta carga sea e fam Martinus of Martina.
Abogado sra. mr. Marije Vaders ya for di cuminsamento di
e tratamento di e caso a mustra cu e trabou di investigacion
cu Ministerio Publico a haci bou di encargo di mr. R. Koert
tabata masha malo haci y cu e acusacionnan contra di su
cliente Salsbach no tin ningun base.
Sinta den e auto cu tabata maneha pa Puzjil, e acusado
Salsbach na altura di Rio Canario su atencion a capta un
arma di candela pon’e banda di e radio den e auto.
Arnell Salsbach, segun su abogado Marije Vaders, mesora
a reclama doño di e auto cu e ta robes pa core cu arma di
candela den e vehiculo.
Di tur manera Polisnan den area di Coronet a bin cay aden
y a sigui un persecusion pa stop e auto, siendo e chauffeur
a sali na careda y laga e auto core bay dal den un cas den
becindario, siendo e otronan sinta aden tambe a baha core
bay.
Pero Polisnan tabatin un completamente otro version, esta
cu a mira Arnell Salsbach cu arma di candela den man na
momento cu el a baha for di e auto core bay y cu ta te ora
cu a los un tiro riba dj’e, esaki a laga e arma di candela cay.
Arnell Salsbach y su abogado a insisti cu ningun momento
so e no tabatin arma di candela den su man, sino su telefon
mobil.
Ademas, Salsbach ta haci mencion di mas persona cu lo
tabata den e auto, kendenan tur a basha careda core bay.
Den caso di posesion di arma
Arma di candela a bira iPhone!
WILLEMSTAD – E historia cu e acusado Arnell Salsbach a conta
den Corte dado momento tabatin su momento di hilaridad ora cu Polis
a constata cu e tabatin arma di candela den su man pero e acusado ta
insisti cu tabata un iPhone!
En fin un historia cu dos diferente version, esta esun di Polisnan un
banda versus e declaracionnan di Salsbach e otro banda.
E auto na cierto momento a sigui core bay dal den un cas den bisindario,
anto aki tampoco e Polisnan den e procesverbal no a duna un descripcion
exacto den cua cas e auto a core bay dal, sea si ta na parsela number
134 of ta 143.
E arma di candela tabata abou na suela benta na altura di parsela 89,
siendo Salsbach durante cu e tabata core ningun momento so no a pasa
dj’ey.
Straño ta tambe e hecho cu e auto cu tabata uno di huur ta riba nomber
di un tal Wernet Martina y no riba nomber di Arnell Salsbach. Pues a
saca afo cu e tal Puzjil a huur e auto aki di 23 di mei 2017 pa 6 di juni
2017.
Otro punto cu a capta atencion ta cu no tin pruebanan di DNA pa
substancia cu e acusado Salsbach en berdad tabatin e arma di candela
den su man, e ta bisa cu ta un iPhone preto e tabatin den su man y cu
posiblemente e arma di candela di un manera of otro a cay for e auto ora
cu nan cu tabata sinta den e auto a bula sali na careda for di e vehiculo.
Un punto sumamente contradictorio den e verbal ta caminda e Polisnan
mes ta bisa cu na parsela 143 e acusado Arnell Salsbach a bula sali for
di e auto, siendo a haya e arma di candela na parsela number 89. Dos
agente policial a sigui core tras di Arnell Salsbach, kende a disparce den
e hanchinan smal den e bario Coronet, siendo otro Polis a keda atras pa
vigila e arma di candela benta abou na suela. E otro ocupantenan di e
auto cu a core bay pa un rato a regresa bek n’e auto, drent’e pa sali na
velocidad halto bay cu e auto ora Polisnan tabata core tras di Salsbach.
Chauffeur di e auto, esta Martina actualmente ta na Hulanda, anto
Arnell Salsbach tambe ta na punto di barca pa bay Hulanda pa sigui un
estudio di nabegacion na Vlissingen.
Fiscal mr. Koert final-
mente a pidi un castigo
di prizon di 18 luna di
cua 6 luna condicional y
un periodo di prueba di
3 aña.
Hues sra. mr. Edelen-
bos, sinembargo, despues
di un pausa bastante
largo a dicta sentencia,
splicando cu e tin hopi
duda, maske ta trata di
verbalnan cu Polisnan
huramenta a traha.
E Hues a menciona dife-
rente punto di duda cu e
tin, como tal a dicidi di
laga Arnell Salsbach bay
liber di tur acusacion.