Page 58 - KPA

Adultonan ta pensa cu door cu e tin preferencia, e ta bay prome, tur otro
mester para pa nan. Pero mester cuminsa duna mas atencion na siguridad.
Hasta material di les pa muchanan di scol, nan ta siñanan pa anochi, cana cu

paña cla y tambe pa e ciclistanan. Pero no mester lubida cu e bicicleta tambe
mester cumpli cu ley. Tanto e lusnan di e pedaal como e lus dilanti y patras

mester ta na ordo, manera cu ley ta prescribi.

Hopi biaha e deportistanan ora cu nan cumpra e bicicleta, nan ta kita tur cos. E
reflectornan, e fietsbel. Tur luga aki na Aruba cu ta bende bicicleta, tur nan

bicicletanan ta cumpli cu tur e rekisitonan cu ley ta prescribi. Pero ta e mesun
cumprado di bicicleta ta kita tur e cosnan aki. Nan mester corda cu mas di
esakinan bo tin ariba e bicicleta, mas safe e bo ta den trafico.

Kisas dos ciclista bandi otro lo ta ideal pa asina otro usuarionan den trafico

respetanan, pero te ainda ley ta bisa cu e ciclista mester core full man drechi di
caminda, pero tin cierto medidanan cu por tuma por ehempel pa yuda den

siguridad. Pero si mester paga tino pa no viola ley. Siguridad ta importante,
pero tampoco por viola ley.

Awendia bo no ta haya muchanan chikito cu ta core bicicleta mas, ya cu e
trafico di awendia no ta manera 20 aña pasa mas. Pero si bay bek den nos

niñez, loke bo siña eynan, peligernan cu bo a wak, esey lo bay mee cubo den bo
bida di adulto. Muchanan di awendia, ta perde esey. Nan ta haya e parti

teoretico, pero no tin e practico mas.

Ora di bishita scol, muchanan di 5e klas, mas di mitar di e muchanan no por
core un bicicleta mas. Muchanan no por core straight, coy un bocht, saca man

duna señal etc. E muchanan ta perde un parti hopi importante di practica di
trafico y ora nan bira grandi nan ta perde e parti aki.

Si nos kier pa nos mehora e parti di trafico, nos siñanan e dicon nos ta haci
cierto cosnan, segun Sr. Alex Pietersz.