Page 10 - ARUBA AIRLINES 20 JAN 2016

PAGINA 12 DIARIO DIARANZON 20 JANUARI 2016
Paola Garcia ta bay ta den
carnaval cu TOB Carnival Group

ORANJESTAD(AAN)-- KFC a saca e ganado pa participa den TOB
Carnival Group y esaki a resulta di ta Paola Garcia. Paola Garcia a
cumpra su special na KFC San Nicolas y a gana su disfraz completo
cu su headpiece pa bay den Lighting Parade na Oranjestad, Parada
Grandi na San Nicolas y Parada Grandi na Playa.
E ganado a wordo saca door di e representante di TOB Carnival
Group Ghislaine Koeiman.
E premio a wordo entrega na señora Paola Garcia door di e repre-
sentante di TOB Carnival Group Ghislaine Koeiman, representante
di KFC Helen Cobo y Johana Jacobs di BrandTastic. Durante e en-
trega tambe tabata presente e modelonan cu e disfraznan di TOB
Carnival Group.
Despues di e entrega e ganador y representantenan di TOB Carnival
Group a disfruta di e dushi galiña di KFC.
Durante e temporada di december, KFC a ofrece comunidad di Ar-
uba un Festive Feast y pa carnaval e Carnival Fest dunando oportu-
nidad na un persona cu a cumpra un di e specials aki pa a participa
den e campaña pa bira ganado di su participacion den TOB Carnival
Group. KFC kier felicita Paola Garcia y desee un dushi temporada
di carnaval.

Chofer bao di influencia
deteni y rijbewijs hala aden

ORANJESTAD.(AAN); Na altura di Iceberg na Savaneta,

dialuna marduga durante cu polis tabata patruya riba camin-

da principal entre San Nicolas pa Oranjestad, a wak un Ford

F-150 cu plachi number A-6266 ta core zig zag riba caminda .

Na diferente ocasion casi e vehiculo a baha di caminda.

Relaciona cu locual polis a observa, nan a duna e chofer señal

pa para.

E chofer di inicialnan O.V.F. di 43 aña di edad, naci na Cu-

racao, tabata hole y alavez tabata bao di influencia di bebida

alcoholico.

E chofer a haci test di rosea y el a supera e maximo cantidad

di e alco sensor.

Relaciona cu e hechonan constata, e chofer a wordo deteni

y a transport’e pa warda di polis San Nicolas y a present’e

dilanti fiscal auxiliar y riba ordo pa interogacion el a keda

deteni.

E Ford F 150 a wordo poni na warda. E chofer O.V.F. lo

mester presenta cu un persona cu rijbewijs pa haya e vehiculo

bek debi cu su rijbewijs a wordo hala aden.