Page 21 - MIN VOS 18 AUG 2015
P. 21
20 AWEMainta Diamars, 18 Augustus 2015
Comite Olimpico Arubano
a clausura Weganan
Panamericano 2015 hunto cu
e atletanan y nan coachnan
DIAHUEBS anochi ultimo, Comite Olimpico Arubano hunto cu e atletanan y nan
coachnan cu a participa n’e Weganan Panamericano Toronto 2015 a clausura esaki
cu un reunion di evaluacion di e weganan.
Mester bisa cu tanto e atletanan y nan coachnan presente a conta di nan experiencia
pa cu dicho weganan, e mayoria tabata satisfecho cu nan presentacion.
Remarcabel ta cu gran parti di e atletanan nunca antes no a competi den un wega di
e magnitud aki.
Hopi informacion valioso a bin padilanti p’asina hunto por sigui traha na bienestar
di cada uno. Palabranan manera union, sacrificio, traha duro, hopi competencia y
fogeo a resalta na e anochi aki.
No por a keda sin menciona e trabou sublime cu e hefe di mision y e staf tecnico y
medico a haci prome y durante di e Weganan Panamericano 2015.
Hefe di Mision p’e Weganan Panamericano 2015, sra. Juelle Thode a haci entrega
di e certificado y medayanan di participacion n’e atletanan y nan coachnan.
Na final, sra. Thode a haci entrega oficial di e relato final na directiva di COA repre-
senta pa su Secretario General, sra. Nicole Hoevertsz.
Awor COA lo inicia cu proceso di preparacion p’e Weganan Olimpico 2016 di Rio de
Janeiro cu lo tuma lugar den luna di augustus di otro aña.
