Page 21 - Diario

DIAHUEBS 29 JANUARI 2015 DIARIO PAGINA 21

Asina a celebra Dia di Betico na Museo y Monumentonan

ORANJESTAD (AAN):
Diadomingo mainta tanto
famianan local como turista
a keiro den Playa pa bishita
Ateliers’ 89, Academia di
Bellas Arte y Diseño, Museo
Historico, Museo Arqueo-
logico y e forno di kalki bou
guia di Stichting Rancho.
Hopi a scohe pa core den e
tram y a baha na e ultimo
stop pa bishita e ex-edificio
di San Pedro Hospital, parti
patras, caminda Ateliers’ 89
ta ubica. Hopi no a yega di
bishita y a keda encanta cu e
espacionan yena cu fotogra-
fia y instalacionnan di arte, a
saborea e dushi pasabocanan
di Melisa, Natasha y Jair y a
participa na e atelier di Mir-
iam de L’isle. Elvis Lopez,
director incansable di Atel-
iers’ 89, tabata presente pa
ricibi tur presente.
Mescos tabata e caso cu e
Academia situa den e ex-
edificio di Brenchi caminda
studiantenan a sorpresa bish-
itantenan cu nan dibuhonan y
creatividad.
Museo Historico tabata
e lugar ideal pa sinta den
sombra y disfruta di dushi
cuminda despues di a mira e
‘Expo 1880’. Publico tambe
por a admira e obranan di art-
ista Nelson Gonzalez.
Na Museo Arqueologico
Nacional den Schelpstraat a
ricibi hopi famia y gruponan
cu a bishita e Museo pa
prome biaha. Nan a haya un
splicashon di arqeologonan
y asistentenan cu ta traha pa
investiga y cuida noslugar-
nan arqueologico. Muchan-
an y mayornan a participa
hunto bou guia di e Brigada
Hubenil campeon di Mu-
seo Arqueologico, pa verf e
‘trankera’ cu Museo Arqueo-
logico a traha como parti di
nan proyecto ‘Bon Bisiña’,
sostenti pa Aruba Bank cu ta
celebrando 90 aña. E emp-
resa local “Taki’ a percura pa
kroket di cadushi y algun otro
pasaboca y bebida inovativo
cu a ‘sold out’.
E forno di kalki atrobe ta-
bata hopi popular cerca bish-
itantenen y Clifford Rosa
di Stichting Rancho a keda
hopi contento cu e interac-
cion ameno cu e tabata tin
cu publico e dia ey. Arubus
a percura pa e kareitchi den
tram y e team di Fondo di
Monumento y Rafy Kock a
conta tur pasahero un poco
mas di Oranjestad durante e
paseo.
Hopi hende a puntra pa ripiti
e actividad aki ya cu nan no
a alcanza pa bishita tur in-
stancia, manera nan lo tabata
desea.