Page 15 - AAA 25 March'15

Celebrando di 10 aniversario: Airside Safety Week 2015

Tuesday, 24 March 2015 16:33
Comparti

Aruba Airport Authority N.V. (AAA) ta celebrando di 10 aniversario di su Airside Safety Week
anual, cu a cuminsa dia 20 di Maart 2006. Durante e Airside Safety Week aki (23-27 Maart
2015) lo enfoca riba comunicacion cu e lema: “Communication is the Key to Safety”. Durante
full e siman e oradornan lo elabora extensivamente riba e importancia di comunicacion den e
proceso di seguridad riba airside.
Usuarionan di Airside por voluntariamente asisti na e presentacionnan y lecturanan duna door
di oradornan cu ta principalmente usuarionan di Aeropuerto Internacional Reina Beatrix
(AIRB) y tambe esnan cu ta brinda servicio na aeropuerto. E Airside Safety Week lo consisti di
un programa di 1 siman largo yena cu lectura y presentacionnan principalmente riba e aspecto
di seguridad, pero incluyendo tambe entrenamento di pagamento di candela.
Tur anja e Airside Safety Council a presenta e “Safety Award” pa reconose un empleado cu den
e anja anterior a contribui na e clima di seguridad riba airside. Despues di evaluacion door di e
comishon, e Safety Award pa 2014 a wordo otorga na Sr. Audryn Kock, empleado di AGS
Aviation Ground Services N.V. door di su compromiso cu seguridad riba airside.
Tambe e comishon a presenta e Safety Award na un compania cu a contribui na e clima di
seguridad riba airside. E Safety Award pa 2014 e keda otorga na Valero Aviation Division
representa pa Sr. John Daal.
Sr. Jurgen Benschop, COO di AAA y Sr. Mauricio Boekhoudt, Chairman di e Airside Safety
Council, a haci entrega di e premionan y Sr. Eric Martijn, AAA su Safety Manager a haci
entrega di e prome T-shirt di Airside Safety Week na e Empleado di Anja 2014, Sr. Audryn
Kock.
E Airside Safety Week a crese anualmente y tur anja ta ricibi mas apoyo di usuarionan di
Airside y asta na nivel internacional. “Nos ta orguyoso di bisa cu e Airside Safety Week ta
creciendo y tin acceptacion amplio di nos usuarionan di aeropuerto cu ta participa activamente
pa comparti experiencia cu otro, contribuyendo asina directamente na e concientisacion di
seguridad mientras cu nan ta traha riba nos areanan di airside,” asina COO di AAA Sr. Jurgen
Benschop a bisa durante su discurso di apertura.
Aruba Airport Authority N.V. ta gradici tur usuario di airside, esnan cu ta brinda servicio y
partnernan di aeropuerto pa nan apoyo continuo y contribucion na e siman aki y pa nan
promocion continuo di seguridad pa garantisa un operacion safe y sigur pa nos usuarionan di
aeropuerto.