Page 75 - MIN ECEM

SEPPA mes no tin informacion di e trahadonan kico por a pasa cun’e, pesey mes a bisa

nan cu no mester cay den e discusion aki, pasobra riba tur cos, un trahado tin derecho di

defende su mes y tanten cu e no cana e caminda completo pa defende su mes, bo no por

bisa cu e ta algo robes cu el a haci. En todo caso ta compronde cu e trahado aki ta

canando su caminda. Si e ta hayando rason, ta su pleno derecho y a pidi tambe e

trahadonan pa laga henter e discusion aki cu ta sosode cu decisionnan rond di e compania

mes un banda, of for di e hecho cu si tin un trahado cu a wordo kita, si e tin rason si of

no.

Union

Tin union entre e trahadonan. Ta mira si cu durante dia di diahuebs, den encuentro, e

trahadonan a scucha. Nan por a tuma e decisionnan riba nan mes. Tabata tin oportunidad
pa cada ken por papia y bisa kico e ta pensa. A base di informacion, nan por dicidi pa

nan mes kico lo ta e siguiente pasonan cu nan lo kier tuma, of keda pendiente, monitor e

situacion te ora otro tipo di decisionnan cu lo por cay, cu atrobe lo mester wordo evalua,

si e ta merita cualkier otro paso cu no ta esun cu ta tumando na e momentonan aki, cu ta

simplemente warda wak si e decisionnan ta perhudica abo, como trahado, riba bo mes si

of no. E berdad ta, cu tin dos persona cu nan ta uitgeleend di Arubus pa Aruparking. Nan

ta bay bek Arubus, por ta hopi no ta di acuerdo cun’e of si, pero nan ta keda cu nan

entrada. Nan tin nan cupo di trabao. Ta esunnan cu ta kedando awor aki na Aruparking,

tin cu keda wak nan situacion riba nan mes, pasobra e risico ta mas pa nan, cu pa esunnan

cu ta bayendo awor aki.