Page 14 - AWEMAINTA

14 AWEMainta Diaranson, 3 Januari 2018

Auto ta dal homber altura di supermarket na Shiribana

BISPO di aña anochi algo prome cu 7’or, polis y am-

bulance ta bay altura di Zhangs Supercenter pa un ac-
cidente cu hende herida.
Na yegada di ambulance nan a bay direccion di e su-
permercado, caminda testigonan a mustra unda e vic-
tima ta.
A resulta cu ta trata di un cabayero, cu lo a sali di Shiri-
bana bar restaurant y a bay cruza caminda. Posiblemente
e no a calcula e velocidad y distancia di e auto bayendo
pariba y esaki ta dal e cu e auto. No ta conoci con ela
yega den e supermercado, of si ta e mes a lanta cana bay
eyden. Ariba su mes un forsa ela cana subi e ambulance
y despues di un rato nan a sali direccion Hospitaal, pa un
chekeo mas profundo.

Accidente entre 3 auto na Tanki Leendert

DIADOMINGO marduga pa algo pasa di 12:30 pa-

truya di Noord ta topa cu un accidente na Tanki Leen-
dert.
Esaki tawata net na e crusada pasbou di Misa di Tanki
Leendert. Tawata tin tres auto envolvi, un Tercel, un Yaris
y un Honda.
E Honda tawata para pa bay lora na su man robes, dado
momento ta sinti e impacto patras di su auto. Aki ta ca-
minda cu e Tercel a dal su tras basta duro, pero su auto
mes no a haya mucho daño. Di dos boksmento, chauf-
fuer di e Yaris biniendo di pariba lo no a pone atencion
su dilanti y ta dal tras di e Tercel.
Polis a pidi presencia di ambulance na ultimo, paso un di
esnan envolvi a cuminsa keha di dolor.