Page 4 - AWEMAINTA

4 AWEMainta Diaranson, 3 Januari 2018

Dr. Horacio E. Oduber Hospital ta anuncia:

Prome baby di aña 2018 ta
Dwayne Aiden Anderson Woods

E prome baby di aña 2018 ta un mucha homber cu a

nace 04:59 na Dr. Horacio E. Oduber Hospital y a haya
e nomber Dwayne Aiden Anderson Woods.
Dwayne ta e prome yiu di Dacey Woods y e tin un peso
di 2735 gram y un largura di 47 cm. Baby Dwayne a nace
di un parto natural door di partera Wies Haverkamp di
Cas di Partera. E mama no a spera e baby nace asina
pronto door cu e tabata di nace dia 10 di januari. Dacey
tabata celebrando e cambio di aña na cas y a cuminsa
haya dolor despues di tiro. E parto a bay bon y Dacey ta
hopi contento y masha orguyoso di por habri aña 2018
cu un miembro nobo den famia.

E ultimo dia di aña 2017 a nace un total di 6 baby di
cual 4 tabata mucha homber y 2 mucha muhe. E ultimo
baby di aña 2017 tabata un mucha homber cu a nace
1:50 di merdia via di un parto natural door di Cas di Par-
tera. E mama tabata sinti bon y por a bay cas pa celebra
e cambio di aña hunto cu su baby.

Un danki grandi ta bay na zuster M. Arends y zuster P.
Vackier na departamento di Maternidad. Tambe nos ta
gradici e sponsornan Johnson & Johnson di Manrique
Capriles, Medela di Two Verses, Ennia y Medicosmetics
pa e regalonan bunita pa a mama y baby di aña. E miho
deseonan pa tur baby y nan famia di parti di Dr. Horacio
E. Oduber Hospital. Pabien Aruba cu Dwayne, e prome
baby di aña!