Page 53 - SOLO DIARIO AWEM 22 JAN

DIAHUEBS 22 DECEMBER 2015 DIARIO
Actitud grocero no ta haci bo mas hende cu otro
Mi tin varios dia cu mi no ta na trabao, debi na e malesa di sangura di Mas ta negativo, depende cu kende bo a atende. Di ningun di dos
“Chicucha”, manera mi ta yam’e. Mi a kere cu mi a haya mi cu “Den mi tin nada di keha. Esey ta ami personalmente. Otro por tin nan
Dje” cu ta e otro sangura, pero aparentemente mi ta libra di esaki.
Mi a hayami den situacion cu nunca antes mi no tabata aden.
Diasabra anochi ta obliga nan a obligami drenta ambulance cu
a wordo yama pa mi. Mi colega a bisa mi: “Mi conose bo como
un “hoben” di mas o menos 50 aña riba pia, pero ora cu nan a
bahabo di ambulance na hospital y bo tabata den rolstoel, mi a
kere cu mi a mira un homber di 150 aña di edad.
Mi tabata gekrimp manera un baby recien naci, y yen di dolor den
cada weso di mi curpa.
Eynan mi prome experiencia a cuminza.
Tabata mi prome biahe den un ambulance. Suave e no tabata. No
pa motibo di e vehiculo, pero pa motibo di e camindanan di nos isla.
Ey den bo ta ripara con malo nos caminda nan ta y cu bo ta sagudi
manera “Jell-o”.
Mi tin decenas di aña cu mi a tende tur sorto di storia di trahadornan
di ambulance, mas tanto negativo cu positivo, depende ta ki banda
di interes e ta.
Te cu siman pasa mi a tende varios atrobe pero coleganan cu ta traha
cu nan riba caya, tin otro storia na hopi ocasion. Mi no por opina.
Pero e biaha aki, mi a haya mi diasabra anochi cu dos cabayero di
Imsan.
Na momento cu nan tabata na mi cas mi a tende, van nan radio, e
mensahe di un caso grave na Paradera. Un ambulance lo tabata
na caminda of mester tabata na caminda, pero esaki ta pega aki. E
meneer a puntrami si mi por wanta un poco mas pa e por atende e
otro caso cu ta grave. Mi di cu ne “bay numa, mi ta wanta. E ta mas
grave cu mi”. Mes ora nan a sali bay, pero no a dura mcho cu nan
a bolbe. E otro ambulance a yega Paradera y nan por a sigui cu mi
normal.
E dos meneernan aki a percura pa tur documentacion ta yena etc.
hibami te paden na “Emergencia” y entregami na cuido di esnan
di e sala. Mi no por bisa cuant’or mi a drenta pero si cu mi a sali te indicacion di con tur hende den e sala tabata cara tristo, sin sonrisa
den madruga. Ainda cu tur weso dolor pero contento di a pasa den
e prome experiencia sin ningun nervio. Ta na final mi a ripara e
hangua di mas o menos 2 pulgada cu e meneer a hinca den mi man
pa saca sanger. Mi sa cu el a hinca hangua pero con largo, mi no
tabata sa y e no a haci ningun tiki dolor. Y Ami cu simper tabata tin
miedo di e prik di mas chikito mes.
Corda bon cu ta 60 aña mi tabata tin sin cu mi a mira docter pa un
malesa y sin cu mi a tuma un pildora of liquido medicinal. Semper
mi a biba riba mi remedy di tera (pa motibo di miedo y no confia
e palabra docter, ni remedi.) Esaki debi na un trauma di tempo mi
tabata tin 12 aña di edad y miedo a keda cerca mi.
Dos aña pasa cu mi mester a pasa na opname na Hospital pa inscribi
pa operacion di wowo, a resulta cu ni registra mi tabata registra na
hospital. Ta eynan e ora ey nan a registrami.
Mi a mira e raport cu e trahadornan di ambulance di Imsan a traha.
Masha corecto mes!.
Den camber 4 di emergencia mi a haya trato di 3 docter cu a tuma
tur nan tempo pa samina mi complete. Na mes momento nan tabata
ocupa cu otronan cu tambe tabata bao di tratamento den otro
cambernan. (con nan por ?)
Mi mester a bay mi docter di cas dialuna, pero no tabata den
condicion di move. Mi a yama SvB pone nan na altura di caso y a
haya un sra. Every cu a tratami masha “sweet” na telefon. Ta sina
ta trata cu hende. Diaranzon mi mester bay SvB pa controla.
Diamars mainta mi a hayami na docter di cas. Aki ta mi señora d.f.m.
cu mi yiu tabata patient continuo . Nada di keha di nos docter di cas
ni di su trahadornan. Lagami menciona cu di sala di Emergencia
na hospital y di docternan di cas tur siman mi ta tene e criticanan.
Manera ta tradicion di Aruba.
PAGINA 21
opinionnan pero cada ken cu su opinion.
Ta prome biaha cu na mi docter di cas nan a haya nan mes ocupa pa
tratami.. Shon docter a duna mi un saminacion pisa y hopi pregunta
mi mester a contesta tambe. Como cu tabata laat pa bay laboratorio
pa test di sanger, a keda cu diaranson mainta mi lo bay.
Diaranzon mi experiencianan nobo a cuminza.
Corda bon cu nunca antes mi a hayami riba e ruta di calvario aki. Tur
cos tabata nobo pa mi. Diaranzon cu hopi dolor mi a logra bini cla pa
bay SvB pa e control. Mi a yega 10 pasa di 9. Mi no tabata sa cu mi
mester tabata eynen entre 7 or y 9 or pa coge number. Ta un señora
tras di un loket a yamami y duna mi splicacion.
El a tuma mi datonan, pone nan den computer pa diahuebs mainta
mi ta registra pa control.. E tambe a tratami manera hende y no
“manera un number”. E trato manera “un number” a bini despues
y e calificacion “number” ta mucho bunita pa e trato cu a bini.
Mi a sali di S.v.b. bay Landslaboratorium pariba di hospital bieu. Mi
a drenta haya e sala aki yen tambe. Ora mi a wak rond, un cabayero
a mustrami pa bay na tal loket.
Wellll…… prome cu mi a yega e loket, e “figura” tras di loket
manera slang di Brandweer a cuminza spuit un avalanche di frase
na voz halto pa tur hende tende su voz skerpi falso di “coloratura
soprano” indicando cu e no por registra mi pasobra prome cu 10 tin
tanto hende cu a registra y cu mester saca sanger y asina el a sigui
ta scupi su frasenan.
Ni “Bon dia!” Ni puntra kico bo a bin haci etc.. Ni sucha mi a scucha
tur cos pasobra na su manera di cuminza so mi tabata sa cu mi ta
dilanti un di e “sortonan” cu ta trata hende manera un “number” of
“un animal”. Mi a saca mi cellular, check e ora: 9 or y 40 minuut.
“Mi ta 20 minuut na tempo ainda, of mi ta 40 minuut laat? Mi no
sa.” Nunca mi a hayami den e situacion di bay saca sanger, registra,
etc. Ta mi prome biaha. Pero e actitud cu mi a topa cune tabata
riba cara y e lugar tabata asina keto.
Actitud di esun cu mester ta cara di e empresa, departamento,
establecimento, negoshi etc. ta determina e clima, e ambiente. Si
e actitud ta negativo, henter e ambiente ta keda of bira negativo..
Pesey eyden tabata asina friu.
Mi a hinca mi cellular den saco, mientras e muher tabata scupi bay,
bira mi lomba y mi a cana bay. Mi a drenta sin bisa palabra y sali
sin menciona palabra, apesar cu riba punto di mi lenga tabata tin
frasenan largo sperando pa sali pa pone na su lugar, pero e ora ey
manera ta tradicion abo lo wordo tilda di a cuminza y a bira negativo,
di a falta respet , di no tin manera etc.
Awor e otro dolor: Awe mi ta hayami cu problema atrobe. Mi a
tende cu for di 5 or di madruga mi mester ta na SvB pa por coge
number entre 7 or y 9 or. Mi a tende cu mi por a bay Laboratorio
na hospital tambe, pero tambe mester ta tempran. Si mi bay ta pa ta
entre 7 or y 9 or. Pero cual di nan prome ? Si mi bay esun prome mi
por perde mi turno cerca e otro. Si esey pasa, ta tur culpa ta wordo
tira riba mi. No riba e sistema y lo no tin ningun hende pa busca un
solucion tampoco.
Mi lo tende : “Abo tin e culpa! Bo no a cumpli cu e reglamento,
animal”.
Mi ta mirami caba awe y mañan ta cana cu nanishi den lodo ta
“snort snort !!” buscando un buraco pa haya mi control y pa saca
sanger y cu tur culpa tira riba mi tambe pasobra tur hende ta saca
nan conclusion y sa mihor cu bo toch.. “Ta bo mes falta!”
Juby Naar