Page 9 - awem

AWEMainta Diamars, 5 Januari 2016 9

Minister Paul Croes:

“Ningun momento a retira
Directora di Asunto Social”

MINISTER Paul Croes di Asunto Social a desmenti categoricamente cu a retira Directora

di Departamento di Asunto Social.
“Sra. Lenny Geertvliet a yega na su edad di pensioen y a scoge pa un otro reto p’e
siguiente añanan.

Ningun momento sra. Geertvliet a wordo retira. Mas ainda mi ta aprecia sra. Geert-
vliet su aporte sigur p’e maneho social di nos pais”, ta locual cu Minister Paul Croes

a informa prensa.

E reaccion aki despues cu a sali un informacion for di trahadornan di Departa-
mento na un medio di comunicacion.
Minister Croes ta lamenta cu cierto informacion asina ta sali den un forma eroneo
pa crea sensacion politico.
Na momento cu un ambtenaar yega su edad di pensioen, maneho di Gobierno ta
cu e persona aki mester bay.
Den e caso di sra. Geertvliet el a ricibi algun oferta pa sea continua pa un aña mas na
dicho departamento of sea scoge algo distinto. Esaki ta locual a sosode tambe.

Ex-Directora di Departamento di Asunto Social lo sigui por medio di un con-
trato apoya e tereno social, pero bao di un otro ministerio.

“Mi ta respeta e decision aki y ta
contento cu sra. Geertvliet lo sigi
apoya e tereno social.
Den nos combersacion dia di su
despedida nos a keda palabra
cu lo re-enforsa e relacionan sigur
entre e departamento social cu e
departamento nobo cu e
lo bay traha na dje”,

Minister Paul Croes a indica.