Page 63 - FUNDASHON LOTTO PA DEPORTE

Recientemente e delegacion di landamento cu a competi den e Carifta Swimming

Championship 2018 a logra un bes mas un resultado grandi pa Aruba unda nan a conkista

varios medaya di Oro, Plata y Brons den e diferente disciplinanan landa.

Mester bisa cu un bes mas nos muchanan a hasi un tremendo papel y a demostra cu

Aruba su landamento ta un di esnan miho den e region di Caribe. E landadonan femenino
Flory Kock, Keeley Maduro, Anahi Schreuders y Elisabeth Timmer conoci tambe como e

Golden Girls a sobresali den e compentencia aki unda nan a sa na conkista medayanan di

Oro y Plata y Brons den relay.

Tambe individual e atletanan aki a sobresaliy logra medaya pa Aruba. Den masculino e
hobennan Brandon Cheong y Daniel Jacobs tambe a subi e podium di mas halto logrando

medaya di entre otro color di Oro pa Aruba. Lotto semper orguyoso di kere y aporta na e

prestacion di nos atletanan ta super contento di por a contribui un bes mas na e ekipo

campeon di landamento cu un bes mas ta sobresali den un Carifta Swimming

Championship den Caribe e biaha ai na Jamaica.

Cumprando weganan di Lotto, e Loteria di Aruba manera Catochi, 1-Off, Big 4, Zodiac,
Wega di Number Korsou, Lotto di Dia, Lotto 5, Mini Mega cu su Mega Plus y e diferente

weganan di Raspa Y Gana bo ta contribui na deporte riba nos isla. Meta di e fundacion ta

pa organisa loteria, cambia bida di su hungadonan y na mes momento inverti den deporte

local pa medio di donacionnan na e Stichting Sportsubsidie Aruba.