Page 17 - KPA 29 JUNE 2017

EX TA DRENTA NEGOSHI MALTRATA DAMA Y TA CORTA SU MES SERIAMENTE TAMBE

June 29, 2017 Admin Uncategorized Leave a comment

29/6/2017 -Tanki Leendert – Diahuebs mainta algo prome cu 7’or polis ta bay pura na un tienda, situa
na Tanki Leendert. Akinan un persona a wordo maltrata y e y di dos persona lo tin un corta serio.

Na yegada di polis na e tienda yama Bahia, cu ta un tienda cu ta bende paña pa beach, e showcase
tawata destrui.
Paden polis a wak varios mancha di sanger.Pafo tawata tin un dama cu a wordo maltrata door di su ex
pareha, asina mes e dama tawata tin su baby carga.

E situacion a cuminsa momento cu e homber esta e ex pareha di e dama a yega e tienda y a cuminsa bati
na e porta pa e drenta. Mirando cu e homber ta bou influencia e dama no a lage drenta, aki ta caminda
cu e homber a destrui parti di e showcase y drenta paden.Durante cu e homber a kibra e glas ela corta
su mes seriamente, asina mes ela bay paden y maltrata e dama. Despues manera nada un pasa ela bay
drumi ariba un corchon den e luga, mientras su pia tawata sangrando profusamente.

Polis a pidi pa dos ambulance y na mes un momento a detene e homber.

Ultimo tempo nos a nota cu tin varios di e casonan aki, caminda cu pa un of otro motibo ora cu un
relacion amoroso caba entre un pareha, no ta tur ta accepta esaki y ta keda busca problema.
Haciendo manera sea e dama of cabayero ta nan pertencia.

https://arubanative.com/2017/06/29/ex-ta-drenta-negoshi-maltrata-dama-y-ta-corta-su-mes-
seriamente-tambe/