Page 6 - KPA 29 JUNE 2017

E “landsbesluit algemeen en incidenteel verlof” ta regla mas profundo bou ki
circunstancia un detenido por bay cu “algemeen” verlof. E “algemeen” verlof ta
regarda e verlof cu por keda otorga un detenido pa cu su reintegracion. E
“incidenteel” verlof ta pa cierto situacionnan y cu un procedura estricto cu ta pa
casonan por ehempel na unda un yiu of mama of tata di un detenido a fayece y
na unda e detenido lo por si e ta cualifica lo por bay e entiero pa algun ora bou
di supervision di personal di KIA. tur dos tipo di verlof ta pa algun ora, esta aki
no ta regarda e VI (voorwaardelijke invrijheidsstelling) na unda e detenido ta sali
liber bou di e reglanan stipula.

Regeling penintentaire beginselen

E “regeling penintentaire beginselen” ta defini e diferente tiponan di siguridad
den prizon na unda un detenido por wordo ubica. Tin por ehempel un
departamento cu ta mas habri y tin departamento cu ta “zwaar beveiligd.” Segun
e normanan describi lo dicidi unda un detenido lo bay, pero aki ta hunga un rol
por ehempel tipo di delito, si e ta un recidivista, si tin problema psikiatrico of di
adicion etc.. Un punto hopi importante ta e regeling penintentaire beginselen ta
regla akinan y na KIA ya caba nan ta implementando e plan di detencion. Esaki
ta nifica cu cada detenido cu drenta KIA, lo traha un plan di detencion cu ta
describi kico e detenido lo haci durante su detencion. Aki por pensa si e ta bay
programanan di enseñansa of por ehempel cursonan y si e ta bay haci labor etc.

https://arubanative.com/2017/06/29/minister-di-husticia-drs-mr-arthur-dowers-concepto-di-ley-di-
landsverordening-penintentaire-beginselen-keda-aproba/