Page 80 - KPA 29 JUNE 2017

Un tik fout riba un rijbewijs no nifica cu esaki no ta bon
pasobra ta rijbewijs cu features di seguridad

Wednesday, 28 June 2017 20:04
Comparti

Por a tende varios comentario riba rijbewijs. E minister a splica cu e rijbewijs ta wordo traha riba un nivel hopi halto
y tin su proteccion tambe di siguridad den dje.

Por compronde cu hende ta bisa cu e no ta cumpli cu e rekisitonan di siguridad pasobra esnan cu ta papia di esey, no
sa kico ta e featuresnan di siguridad den dje. Por bisa tambe cu mayoria hende cu tin e rijbewijs, no sa tampoco. Ta
algun hende tin y den poder di husticia tin e documentonan caminda cu tur e rekisitonan di siguridad ta stipula, y
autoridadnan competente por controla si un rijbewijs no ta falsifica of no. Ta conta pa mayoria di documentonan na
nos pais. Tur documento cu ta wordo uza, e documentonan cu tin di haber cu siguridad, ta wordo falsifica. No por
bisa cu esey ta un cos cu no sa pasa. Ta confisca por ehempel paspoortnan cu ta wordo falsifica. Tin tambe IDnan cu
ta wordo falsifica. Ta un fenomeno cu ta bringando y no husticia so, pero hopi di e servicionan internacional ta
bringa contra dje. No ta asina cu nos rijbewijs ta un rijbewijs cu no ta cumpli cu e featuresnan aki. Minister no
conoce tur e featuresnan di siguridad di ningun otro documento cu excepcion di rijbewijs, pasobra ta uno cu a wordo
traha bao di responsabilidad di e minister y di cual el a haya esaki. Sa cu tin den e proceso di traha rijbewijs, cu tin
algun fout a wordo haci, pero den nomber di e persona. Pesey ta bon pa cualkier persona, tur hende cu tin rijbewijs,
pa controle bon. A pidi na e suministrador di rijbewijs, of esnan cu ta duna e servicio pa e rijbewijs wordo procesa, pa
entrega e minister un uitdraai di tur e rijbewijsnan cu a wordo traha fout, pasobra na momento cu e wordo traha, tin
di compronde esnan cu ta trah’e, ta pone nomber di e persona fout. Tin cu percura pa wak bon na momento cu ricibi
e documento eynan, si bo nomber ta bon riba dje y si esey no ta e caso, pa presenta bek na warda di polis, pa nan
coregi esaki y tuma esun cu bo tin bek for di bo y dunabo e ora un documento cu si ta cuadra. E no ta pasa hopi, pero
si tin caso cu el a pasa y ta algo lamentabel. Pasobra na momento cu e rijbewijs wordo traha, e control mester tuma
luga cu esaki no por tin fout den dje.
Awor aki e rijbewijs ta wordo duna hopi lihe. Tin hende ta logra haya nan rijbewijs den 15 minuut, cual ta bon
servicio. Tin cu evalua na e momento aki como cu a tende cu tin foutnan ta wordo haci. Por ta tin cu haci un extra
controle. Si un persona cu ta traha e rijbewijs, pase pa un siguiente fase, caminda cu ta controla berdaderamente si e
ta bon y e persona presente tambe tin cu controla. Asina mes tin algun rijbewijs a sali cu fout den dje. Esey no ta kita
cu e documento no ta uno bon. Sa pasa cu e documentonan ta wordo traha cu nomber di hende fout riba dje.
Tur documento por identifica bo mes cune y segun Dowers, esey mester ta e caso tambe. No ta mira ningun rason, si
bo no tin un documento bon traha, manera esaki, cu bo no kier pa e wordo uza como un documento di identificacion.
Logicamente cu si un organisacion bisa cu e kier pa bo uza un solo tipo di documento, e por haci esey. Pero e
documento aki no tin nada malo na e autenticidad di e documento aki, segun Minister Dowers.