Page 9 - MIN ARENDS

KVK TA INFORMA: SR.

KAWISH MISIER TA SER

NOMBRA COMO VICE-

PRESIDENTE DI DIRECTIVA

DI KVK

2 MINS
POST VIEWS: 12ORANJESTAD, ArubaKvK tin e honor di informa cu sr. Kawish Misier lo ta e Vice-
Presidente nobo di su Directiva. Sr. Frans de Mey tabata esun cu e puesto di Vice-Presidente pero pa
motibonan personal e mester a desocupa e puesto aki. Desde januari 2017 sr. Kawish ta forma parti
di e Directiva di KvK y e ta asina tambe e miembro mas hoben cu a yega di tuma parti pa e funcion
aki. Como miembro activo di Directiva, sr. Kawish ta representa e ‘young entrepreneur’ di
Aruba.Apesar di su edad relativamente hoben sr. Kawish tin hopi experiencia mirando cu desde 2010
e ta opera su propio negoshi y a sa di supera diferente obstaculo combinando su estudio banda di
esaki. Sr. Kawish a gradua como bachelor den Marketing y tambe den Accounting & Finance na
Universidad di Aruba y a continua pa su Master den International Business locual e la completa na
aña 2016.Sr. Kawish tabata semper hopi activo y asina a sa di wordo galardona cu titulonan manera
“Hoben y Talentoso” na 2014. Na 2012 e la sali ganador di e premio “Mission 2 Brazil”. Ademas e la
forma parti di e Parlamento Hubenil di Reino y ta fundador y tesorero di Yes Aruba.KvK ta orguyoso
di su Vice-Presidente nobo y sa cu por conta cu sr. Kawish kende semper ta atento pa contribui y
yuda na bin cu ideanan innovativo pa bienestar di e comunidad empresarial y muy en particular e
‘young entrepreneurs’. KvK y su Directiva ta desea Kawish hopi exito!