Page 30 - AVP

Di Acuerdo Cu Partido MEP: Luigi Bergen A Tuma Su

Retiro Boluntariamente Y No Tabatin Ningun

Negociacion Pa Su Asiento

 Politica
- 26/01/2020

Luigi Bergen a tuma su retiro di Parlamento despues cu el a wordo acusa pa su ex-casa pa
maltrato, un acusacion cu Luigi.Bergen ta mantene di ta falso. Sinembargo partido MEP a
palabra reglanan di integridad halto y Luigi Bergen respetando e palabracionnan aki, a
entrega su retiro boluntariamente pa por concentra riba su defensa den e caso.

Segun MEP, no tin un ley cu ta exigi esaki, y esey ta demostra cu pa partido MEP
integridad no ta simplemente un palabra, sino e partido ta pone den accion tambe.

Luigi Bergen lo no ricibi overbruggingstoelage debi cu e no a cumpli 6 luna den
Parlamento, y tampoco lo bay ocupa un funcion halto den Gobierno, manera a wordo
specula pa oponentenan. Pero ta for di propio seno di MEP e informacionnan aki a sali y
ningun dia prome, MEP a desmenti esaki.

Sra. Darlaine Guedez-Erasmus su cartanan credencial a keda aproba y asina a haci su
entrada den Parlamento di Aruba, Partido MEP ta desea Luigi Bergen tur cos bon y ta
desea Darlaine Guedez-Erasmus hopi exito den Parlamento.